ലണ്ടന്: ഇന്ത്യന് ബൗളര്മാര്ക്കമേല് ജോണി ബെയര്സ്റ്റോവും ക്രിസ് വോക്സും ആധിപത്യം സ്ഥാപിച്ചപ്പോള് രണ്ടാം ടെസ്റ്റിന്റെ ഒന്നാം ഇന്നിങ്ങ്സില് ഇംഗ്ലണ്ട് മികച്ച സ്കോറിലേക്ക്. ഒടുവില് റിപ്പോര്ട്ട് കിട്ടുമ്പോള് ഇംഗ്ലണ്ട് അഞ്ച് വിക്കറ്റിന് 307 റണ്സെടുത്തിട്ടുണ്ട്. വോക്സ് (102), ബെയര്സ്റ്റോവ് (92) എന്നിവരാണ് ക്രീസില്. അപരാജിതമായ ആറാം വിക്കറ്റില് 176 റണ്സ് ഇരുവരും നേടിയിട്ടുണ്ട്. ഇന്ത്യ ഒന്നാം ഇന്നിങ്സില് 107 റണ്സാണെടുത്തിരുന്നത്. ഒരു ഘട്ടത്തില് 5ന് 131 എന്ന നിലയില് നിന്നാണ് ഇംഗ്ലണ്ട് മികച്ച സ്കോറിലേക്ക് നീങ്ങുന്നത്.
ഇന്ത്യയുടെതുപോലെ ഇംഗ്ലണ്ടിന്റെയും തുടക്കം തകര്ച്ചയോടെയായിരുന്നു. 28 റണ്സിന് ആദ്യ വിക്കറ്റ് വീണു. പതിനൊന്ന് റണ്സ് കുറിച്ച ഓപ്പണര് ജെന്നിങ്ങ്സിനെ വിക്കറ്റിന് മുന്നില് കുടക്കി മുഹമ്മദ് ഷമി ഇംഗ്ലണ്ടിനെ ഞെട്ടിച്ചു. നാലു റണ്സ് കൂടി കൂട്ടിചേര്ക്കുന്നതിനിടയ്ക്ക് ഇംഗ്ലണ്ടിന്റെ രണ്ടാം വിക്കറ്റും വീണു. ഇഷാന്ത് ശര്മ്മയുടെ പന്തില് ബാറ്റ്വെച്ച കുക്ക് കീപ്പര് കാര്ത്തിക്കിന്റെ ഗ്ലൗസിലൊതുങ്ങി. 21 റണ്സാണ് കുക്കിന്റെ നേട്ടം. ഇംഗ്ലീഷ് നായകന് ജോ റൂട്ടിനും പിടിച്ചു നില്കാനായില്ല. 19 റണ്സെടുത്ത കുക്കും ഷമിയുടെ പന്തില് വിക്കറ്റിന് മുന്നില് കുടുങ്ങി.
അരങ്ങേറ്റ മത്സരത്തിനിറങ്ങിയ പോപ്പ് അല്പസമയം പിടിച്ചു നിന്നു. 28 റണ്സ് നേടിയ പോപ്പ് ഒടുവില് ഹാര്ദിക് പാണ്ഡ്യക്ക് കീഴടങ്ങി. നാല് വിക്കറ്റ് വീഴുമ്പോള് സ്കോര്ബോര്ഡില് 89 റണ്സ് മാത്രം. പിന്നീട് ബട്ട്ലറും ബെയര്സ്റ്റോയും ഒന്നിച്ചതോടെ ഇംഗ്ലണ്ട് ഇന്ത്യയുടെ ഒന്നാം ഇന്നിങ്ങ്്സ് സ്കോര് മറികടന്നു. അഞ്ചാം വിക്കറ്റില് ഇവര് 42 റണ്സ് കൂട്ടിചേര്ത്തു. ബട്ട്ലറെ (24) മടക്കി ഷമിയാണ് ഈ പാര്ട്ട്നര്ഷിപ്പ് തകര്ത്തത്്. ക്രിസ് വോക്സ് ബെയര്സ്റ്റോക്ക് കൂട്ടെത്തെിയതോടെ ഇംഗ്ലണ്ടിന്റെ സ്കോറിങ്ങിന് വേഗമേറി.
സ്കോര്ബോര്ഡ്: ഇന്ത്യ ഒന്നാം ഇന്നിങ്ങ്സ്: എം. വിജയ് ബി ആന്ഡേഴ്സണ് 0, കെ.എല്.രാഹുല് സി ബെയര്സ്റ്റോ ബി ആന്ഡേഴ്സണ് 8, സി.എ. പൂജാര റണ് ഔട്ട് 1, വി. കോഹ് ലി സി ബട്ട്ലര് ബി വോക്ക്്സ്് 23, എ.എം.രഹാനെ സി കുക്ക് ബി ആന്ഡേഴ്സണ് 18, എച്ച്.എച്ച്. പാണ്ഡ്യ സി ബട്ട്ലര് ബി വോക്ക്സ് 11, കെ.ഡി. കാര്ത്തിക് ബി കറന് 1, ആര്.അശ്വിന് എല്ബിഡബ്ളീയു ബി ബ്രോഡ് 29, കുല്ദീപ് യാദവ് എല്ബിഡബ്ളീയു ബി ആന്ഡേഴ്സണ് 0, മുഹമ്മദ് ഷമി നോട്ടൗട്ട് 10, ഐ.ശര്മ എല്ബിഡബ്ളീയു ബി ആന്ഡേഴ്സണ് 0, എക്സ്ട്രാസ് 6, ആകെ 107 റണ്സ്.
വിക്കറ്റ് വീ്ഴ്ച: 1-10, 2-10, 3-15, 4-49, 5-61, 6-62, 7-84, 8-96, 9-96.
ബൗളിങ്ങ്: ആന്ഡേഴ്സണ് 13.2-5-20-5, ബ്രോഡ് 10-2-37-1, വോക്ക്സ് 6-2-19-2, സാം കറന് 6-0-26-1.
പ്രതികരിക്കാൻ ഇവിടെ എഴുതുക: