മാഹി: അഴിയൂര് പഞ്ചായത്തില് ഹരിതചട്ടം പാലിച്ചുള്ള പൂര്ണമായും പ്ലാസ്റ്റിക് വിമുക്ത വിവാഹങ്ങള്ക്ക് 15 മുതല് തുടക്കമാകും. ഹരിത കര്മസേനാ പ്രവര്ത്തകരുടെ സഹായത്തോടെയാണ് കല്യാണം നടത്തുക. വിവാഹനിശ്ചയം നടന്നുകഴിഞ്ഞാല് വിവരം ഹരിതസേനാഗങ്ങളെ അറിയിച്ചാല് പ്ലാസ്റ്റിക്ക് പൂര്ണ്ണമായും ഒഴിവാക്കിയുളള വിവാഹം നടത്താന് മാര്ഗ്ഗനിര്ദ്ദേശങ്ങളും ലഘുലേഖകളും നല്കും. ഇതിന്റെ ഭാഗമായി ഹരിത പ്രോട്ടോകോള് യൂണിറ്റുകള് ആറു വാര്ഡുകളില് ആരംഭിക്കും. ഹരിത കല്യാണങ്ങള്ക്ക് പഞ്ചായത്തിലെ വിവിധ രാഷ്ട്രീയ പാര്ട്ടികള്, മത സാമൂഹിക സംഘടനകള് എന്നിവ പിന്തുണ പ്രഖ്യാപിച്ചു. ഹരിത പ്രോട്ടോകോള് യൂണിറ്റ് ആരംഭിക്കാന് തയാറായ കുടുംബശ്രീ പ്രവര്ത്തകര്ക്ക് പഞ്ചായത്ത് ധനസഹായം ചെയ്യും.
പഞ്ചായത്ത് പ്രസിഡന്റ് ഇ.ടി.അയൂബ് അധ്യക്ഷത വഹിച്ചു. സെക്രട്ടറി ടി.ഷാഹുല് ഹമീദ് പദ്ധതി വിശദീകരിച്ചു. ജില്ലാ പഞ്ചായത്ത് മെമ്പര് എ.ടി.ശ്രീധരന്, റീന രയരോത്ത്, പി.പി. ശ്രീധരന്, കെ.പി.പ്രമോദ്, പി.നാണു, പ്രദീപ് ചോമ്പാല, കെ.അന്വര് ഹാജി, സാലിം പുനത്തില്, ഒ.ബാലന്, ടി.സി.എച്ച്.അബൂബക്കര് ഹാജി, കെ.വി.രാജന്, പാമ്പള്ളി ബാലകൃഷ്ണന്, പി.കെ.പ്രകാശന്, എന്.പി.മഹേഷ്, ഇ.അരുണ് കുമാര് എന്നിവര് സംസാരിച്ചു.
