കണ്ണൂര്: നാല്പ്പത്തിമൂന്നാമത് ദേശീയ യോഗ ചാമ്പ്യന്ഷിപ്പിന്റെ ഭാഗമായുള്ള മൂന്നാമത് സംസ്ഥാന യോഗ ചാമ്പ്യന്ഷിപ്പ് 28, 29 തിയ്യതികളില് മുണ്ടയാട് ഇന്ഡോര് സ്റ്റേഡിയത്തില് നടക്കും. 28ന് രാവിലെ 10 മണിക്ക് മന്ത്രി എ.സി.മൊയ്തീന് ഉദ്ഘാടനം നിര്വ്വഹിക്കും. മന്ത്രി രാമചന്ദ്രന് കടന്നപ്പള്ളി അധ്യക്ഷത വഹിക്കും. ചടങ്ങില് യോഗ ഫെഡറേഷന് ഓഫ് ഇന്ത്യ അഖിലേന്ത്യാ പ്രസിഡന്റ് അശോക് കുമാര് അഗര്വാള് മുഖ്യാതിഥിയാകും. യോഗാസന സ്പോര്ട്സ്, ആര്ട്ടിസ്റ്റിക് യോഗ സ്പോര്ട്സ്, ആര്ട്ടിസ്റ്റിക് പെയര് യോഗ, റിഥമിക് യോഗ സ്പോര്ട്സ്, ഫ്രീഫളോ യോഗാ ഡാന്സ്, പ്രൊഫഷണല് യോഗ ഡാന്സ് എന്നിങ്ങനെയാണ് മത്സരഇനങ്ങള്. എട്ട് മുതല് 80 വയസ്സ് വരെയുള്ള ഏഴ് ഗ്രൂപ്പുകളിലായി സ്ത്രീകള്ക്കും പുരുഷന്മാര്ക്കും പ്രത്യേകം പ്രത്യേകം മത്സരങ്ങള് സംഘടിപ്പിക്കുന്നുണ്ട്.
സംസ്ഥാന സ്പോര്ട്സ് കൗണ്സിലിന്റെ അംഗീകാരത്തോടെ നടക്കുന്ന ചാമ്പ്യന്ഷിപ്പില് പങ്കെടുക്കുന്നവര്ക്കും വിജിയകള്ക്കും ഉന്നത പഠനത്തിനും തൊഴിലിനും മറ്റ് അംഗീകൃത സ്പോര്ട്സ് ഇനങ്ങള്ക്ക് ലഭിക്കുന്ന എല്ലാ ആനുകൂല്യങ്ങളും ലഭിക്കും. വാര്ത്താസമ്മേളനത്തില് ജില്ലാ സ്പോര്ട്സ് കൗണ്സില് പ്രസിഡന്റ് ഒ.കെ.വിനീഷ്, ഡോ.രാജഗോപാലന്, ബാലകൃഷ്ണന് സ്വാമി, കെ.രാജീവന്, ഡോ.സി.വിജയന് എന്നിവര് പങ്കെടുത്തു.
