ബ്രസ്സല്സ്: ലോകകപ്പില് മൂന്നാം സ്ഥാനം നേടി നാട്ടില് തിരിച്ചെത്തിയ ബെല്ജിയത്തിന് ഉജ്ജ്വല വരവേല്പ്പ്. പതിനായിരക്കണക്കിന് ആരാധകരാണ് ചടങ്ങില് പങ്കെടുത്തത്.
ലൂസേഴ്സ് ഫൈനലില് ഇംഗ്ലണ്ടിനെ ഏകപക്ഷീയമായ രണ്ട് ഗോളുകള്ക്ക് പരാജയപ്പെടുത്തിയാണ് ബെല്ജിയം മൂന്നാം സ്ഥാനം നേടിയത്. ലോകകപ്പില് അവരുടെ ഏറ്റവും മികച്ച പ്രകടനമാണിത്. ഏദന് ഹസാര്ഡ് നായകനായ ബെല്ജിയം ഇന്നലെയാണ് റഷ്യയില് നിന്ന് നാട്ടില് തിരിച്ചെത്തിയത്.
