ശ്രീനഗര്: ജമ്മുകാശ്മീരിലെ കുപ്വാരയില് സൈന്യം ഭീകരനെ വധിച്ചു. വടക്കന് കാശ്മീരിലെ കുപ്വാര ജില്ലയിലെ ഹന്ദ്വാരയിലുണ്ടായ ഏറ്റുമുട്ടലിലാണ് തീവ്രവാദിയെ വധിച്ചത്.
വെള്ളിയാഴ്ച വൈകിട്ട് മുതല് ഇവിടെ തീവ്രവാദികളുടെ സാന്നിദ്ധ്യം ഉണ്ടെന്ന രഹസ്യവിവരം ലഭിച്ചതിനെ തുടര്ന്ന് സൈന്യം തിരച്ചില് നടത്തി വരികയായിരുന്നു. കഴിഞ്ഞ രണ്ടുദിവസവും തിരച്ചില് നടത്തിയെങ്കിലും തീവ്രവാദികളെ കണ്ടെത്താനായിരുന്നില്ല.
എന്നാല്, ഇന്ന് പുലര്ച്ചെയോടെ വീണ്ടും നടത്തിയ തിരച്ചിലിലാണ് തീവ്രാവദികളുമായി ഏറ്റുമുട്ടലുണ്ടായത്. ഏറ്റുമുട്ടല് ഇപ്പോഴും തുടരുകയാണെന്നാണ് റിപ്പോര്ട്ട്.
