വാറങ്കല്: തെലങ്കാനയില് പടക്കനിര്മാണ ഫാക്ടറിയിലുണ്ടായ തീപിടിത്തത്തില് 11 പേര് മരിച്ചു. ഉച്ചക്ക് 11.30 ഓടെ തെലുങ്കാന വാറങ്കല് ജില്ലയിലാണ് സംഭവം. അഗ്നിശമന സേന, പൊലീസ്, ജില്ലാ ഭരണകൂടം എന്നിവയുടെ നേതൃത്വത്തില് രക്ഷാപ്രവര്ത്തനം ഊര്ജിതമായി തുടരുകയാണ്.
അപകടത്തില് മരണപ്പെട്ടവരുടെ ആശ്രിതര്ക്ക് അഞ്ചു ലക്ഷം രൂപാ വീതം നഷ്ടപരിഹാരം അനുവദിച്ചതായി തെലങ്കാന മുഖ്യമന്ത്രി കെ. ചന്ദ്രശേഖര റാവു അറിയിച്ചു. പരിക്കേറ്റവര്ക്ക് സര്ക്കാര് ചെലവില് മികച്ച വൈദ്യസേവനം നല്കും. കൂടാതെ, അപകടത്തില്പ്പെട്ടവരുടെ കുടുംബാംഗങ്ങള്ക്ക് എല്ലാ സഹായവും നല്കുമെന്നും മുഖ്യമന്ത്രി വ്യക്തമാക്കി.
