ന്യൂദല്ഹി: അഫ്ഗാനിസ്ഥാനിലെ ചാവേര് ആക്രമണത്തെ അപലപിച്ച് പ്രധാനമന്ത്രി നരേന്ദ്ര മോദി. ചാവേര് ആക്രമണത്തെ ശക്തമായി അപലപിക്കുന്നുവെന്ന് മോദി ട്വിറ്ററില് കുറിച്ചു. സ്ഫോടനത്തില് പരിക്കേറ്റവര് വേഗം സുഖം പ്രാപിക്കട്ടെയെന്ന് പ്രാര്ഥിക്കുന്നു. ഈ സംഭവത്തില് അഫ്ഗാനിസ്ഥാന് സര്ക്കാരിനെ സഹായിക്കാന് ഇന്ത്യ തയാറാണെന്നും മോദി പറഞ്ഞു.
അഫ്ഗാനിസ്ഥാനില് സിഖ്, ഹിന്ദു മതവിഭാഗക്കാരെ ലക്ഷ്യമിട്ടു ഭീകരര് നടത്തിയ ചാവേര് ബോംബാക്രമണത്തില് 20 പേരാണ് കൊല്ലപ്പെട്ടത്. ജലാലാബാദിലായിരുന്നു ആക്രമണം. സ്ഫോടനത്തില് 20 പേര്ക്കു പരിക്കേറ്റു. മരിച്ചവരില് ഭൂരിഭാഗവും ഹിന്ദു-സിഖ് വിഭാഗത്തില്പ്പെട്ടവരാണ്.
We strongly condemn the terror attacks in Afghanistan yesterday. They are an attack on Afghanistan’s multicultural fabric. My thoughts are with the bereaved families. I pray that the injured recover soon. India stands ready to assist the Afghanistan government in this sad hour.
— Narendra Modi (@narendramodi) July 2, 2018
