കോഴിക്കോട്: പോലീസ് സേനയിലെ അടിമപ്പണിക്കുള്ള പ്രാധാന കാരണം ഇന്ക്രിമെന്റ് തടയലെന്ന് പോലീസുകാര്. ഗുരുതര കുറ്റങ്ങള്ക്ക് നല്കേണ്ട ശിക്ഷ നല്കുന്നത് നിസാര കാര്യങ്ങള്ക്ക്. ഇന്ക്രിമെന്റ് തടയുന്നതോടെ ശമ്പളത്തില് നിന്ന് നഷ്ടമാകുന്നത് ലക്ഷങ്ങള്.
നിസാര തെറ്റുകള്ക്കുപോലും ശമ്പളത്തിലെ വാര്ഷിക വര്ധനവ് തടഞ്ഞുവെക്കുന്നെന്ന് പോലീസുകാര് പറയുന്നു. ഇത് പെന്ഷനെപോലും സാരമായി ബാധിക്കും. കേരള പോലീസ് ഡിപാര്ട്ട്മെന്റല് ഇന്ക്വയറീസ് പണിഷ്മെന്റ് റൂള് അനുസരിച്ചാണ് ശിക്ഷാ നടപടികള് സ്വീകരിക്കേണ്ടത്. സാധാരണ പോലീസുകാന് തെറ്റ് ചെയ്താല് സിഐയും, എസ്ഐയ്ക്ക് എതിരെയുള്ള പരാതി ഡിവൈഎസ്പിയുമാണ് അന്വേഷിക്കേണ്ടത്. അന്വേഷണ റിപ്പോര്ട്ടിന്റെ അടിസ്ഥാനത്തില് ജില്ലാ പോലീസ് മേധാവിയാണ് ശിക്ഷ തീരുമാനിക്കുന്നത്. ഇതാണ് പോലീസുകാരെ അടിമകളാക്കി നിര്ത്താനുള്ള ഐപിഎസ് കാരുടെ ആയുധവും.
എസ്പി റാങ്കിലുള്ള ഉദ്യോഗസ്ഥര്ക്ക് ഇഷ്ടക്കേടുണ്ടായാല് നിസാരകാര്യങ്ങള് ചൂണ്ടുക്കാട്ടിപോലും ശിക്ഷാനടപടിക്ക് ശുപാര്ശചെയ്യും. യൂണിഫോം ചുളുങ്ങിയതിനും ഷൂ ലെയിസ് കെട്ടാത്തതിനും ഷൂ പോളിഷ് ചെയ്യാത്തതിനും വരെ ഇന്ക്രിമെന്റ് നഷ്ടമായവര് സേനയിലുണ്ട്. ആറ് മാസം, ഒരു വര്ഷം തുടങ്ങി സര്വീസ് കാലത്തേക്ക് മുഴുവന് ഇന്ക്രിമെന്റും തടയാം. ഇങ്ങനെ അനിശ്ചിതകാലം ഇന്ക്രിമെന്റ് കിട്ടായവര് ഇപ്പോഴും ജോലിചെയ്യുന്നുണ്ട്. ഒരു തവണ തടഞ്ഞാല് പെന്ഷന് തുകയില്പ്പോലും സാരമായ കുറവ് വരും. ചിലപ്പോള് 10 ലക്ഷം രൂപവരെ കുറയാം. ഇത് പേടിച്ചാണ് സേനയ്ക്കുള്ളില് എന്ത് അടിമപ്പണിക്കും തയാറാകുന്നത്.
ശിക്ഷാ നടപടിക്ക് വിധേയരാകുന്നവര്ക്ക് ഐജിക്കും സര്ക്കാരിനും അപ്പീല് നല്കാമെങ്കിലും അമ്പത് ശതമാനത്തില് താഴെ മാത്രമേ നടപടി ഉണ്ടാകാറുള്ളൂ. അനിശ്ചിത കാലത്തേക്ക് നല്കുന്ന ഇന്ഗ്രിമെന്റ് തടയല് ചിലപ്പോള് നിശ്ചിത വര്ഷമാക്കി നല്കും. അല്ലെങ്കില് പകുതിയാക്കി നല്കും. അതുപോരാത്തവര്ക്ക് കോടതിയെ സമീപിക്കാം. എന്നാല് അത് വീണ്ടും അപ്രീതിക്ക് കാരണമാകും എന്നതിനാല് പലരും അതിന് തയാറാവില്ല. മറ്റ് യൂണിഫോം സേനകളായ ഫയര്ഫോഴ്സ്, എക്സൈസ് ഉള്പ്പെടെയുള്ളവയില് ഇന്ക്രിമെന്റ് തടയല് അപൂര്വ്വമായേ നടക്കാറുള്ളൂ.
സേനയ്ക്ക് മുഴുവന് റൂളും ശിക്ഷാനടപടിയും ബാധകമാണെങ്കിലും ഉന്നത ഉദ്യോഗസ്ഥരെ ഇത് ബാധിക്കാറില്ല. ഡിവൈഎസ്പി റാങ്ക് മുതല് മുകളിലേക്ക് ഡിജിപി വരെയുള്ളവര്ക്ക് ആഭ്യന്തര വകുപ്പാണ് ശിക്ഷാ നടപടി സ്വീകരിക്കേണ്ടത്. ആപൂര്വ്വം ചിലരൊഴിച്ചാല് മറ്റാര്ക്കും ഈ ശിക്ഷാ നടപടി നേരിടേണ്ടി വന്നിട്ടില്ല. അവരുടെ ശമ്പളത്തിലോ പെന്ഷനിലോ കുറവ് വരുത്തയിട്ടുമില്ല. അഥവാ കുറവ് വന്നാല് അവര് അപ്പീല് നല്കി മുന്കാല പ്രാബല്യത്തില് തിരികെ വാങ്ങുകയും ചെയ്യും.
