ന്യൂദല്ഹി: ഗ്രാമീണ ഉജ്ജ്വല് യോജന സ്ത്രീകളുടെ ജീവിത നിലവാരം ഉയര്ത്തിയെന്ന് പ്രധാനമന്ത്രി നരേന്ദ്രമോദി. പദ്ധതി പ്രകാരം പത്ത് കോടി പാചകവാതക കണക്ഷനുകള് നല്കിയതായും പ്രധാനമന്ത്രി വ്യക്തമാക്കി.
കഴിഞ്ഞ അറുപത് വര്ഷത്തിനുള്ളില് കേവലം പതിമൂന്നു കോടി കണക്ഷനുകള് മാത്രമാണ് നല്കാനായത്. നാല് വര്ഷം കൊണ്ട് 10 കോടി എന്നത് ഒരു ചരിത്ര നേട്ടമാണ്. ഉജ്ജ്വല് യോജന ഗുണഭോക്താക്കളുമായി നമോ ആപ്പ് വഴി നടത്തിയ സംവാദത്തിലാണ് പ്രധാനമന്ത്രി ഇക്കാര്യങ്ങള് വ്യക്തമാക്കിയയത്.
സ്ത്രീ ശാക്തീകരണം എന്ഡിഎ സര്ക്കാര് ഏറെ പ്രധാന്യത്തോടെ നോക്കിക്കാണുന്ന വിഷയമാണ്. ബേട്ടി ബച്ചാവോ ബേട്ടി പഠവോ ഉള്പ്പെടെ 147 സ്ത്രീശാക്തീകരണ പദ്ധതികളാണ് കേന്ദ്ര സര്ക്കാര് നടപ്പാക്കുന്നത്. 2020ഓടെ രാജ്യത്ത് എട്ടു കോടി കുടുംബങ്ങള്ക്ക് പാചകവാതകം ലഭ്യമാക്കുകയാണ് സര്ക്കാരിന്റെ ലക്ഷ്യം. 2016 മെയ് ഒന്നിനാണ് പ്രധാനമന്ത്രി ഉജ്ജ്വല് യോജന പദ്ധതി ആരംഭിച്ചത്.
