മുംബൈ: ഗാലേയില് കഴിഞ്ഞ വര്ഷം നടന്ന ഇന്ത്യ-ശ്രീലങ്ക ക്രിക്കറ്റ് മത്സരത്തില് ഒത്തുകളി നടന്നതായി ഖത്തര് ആസ്ഥാനമായി പ്രവര്ത്തിക്കുന്ന അല് ജസീറ ടിവി വെളിപ്പെടുത്തി. പിച്ചിന്റെ സ്വഭാവം അറിയാനും മത്സരഫലം ഉറപ്പിക്കാനും ചിലര് ഗ്രൗണ്ട് സ്റ്റാഫിന് പണം നല്കിയതായി അല് ജസീറയുടെ അന്വേഷണ സംഘം കണ്ടെത്തി.
2016 ല് ഗാലേയില് അരങ്ങേറിയ ഓസ്ട്രേലിയ- ശ്രീലങ്ക ടെസ്റ്റിലും ഒത്തുകളി നടന്നതായി അന്വേഷണ സംഘം വെളിപ്പെടുത്തി. ഇതു സംബന്ധിച്ച പൂര്ണ വിവരങ്ങള് അടങ്ങുന്ന ഡൊക്യുമെന്ററിയായ ‘ക്രിക്കറ്റിലെ ഒത്തുകളിക്കാര്’ അല് ജസീറ ടിവി ഇന്ന് സംപ്രേക്ഷണം ചെയ്യും.
ഈ വര്ഷം നവംബറില് ഗാലേയില് നടക്കുന്ന ഇംഗ്ലണ്ട്- ശ്രീലങ്ക ടെസ്റ്റിലും ഒത്തുകളിക്കായി ശ്രമം നടന്നെന്നും കണ്ടെത്തിയിട്ടുണ്ട്. അല് ജസീറയുടെ കണ്ടെത്തലുകളെക്കുറിച്ച് അന്വേഷണം ആരംഭിച്ചതായി ഇന്റര്നാഷണല് ക്രിക്കറ്റ് കൗണ്സില് അറിയിച്ചു.
ഒളി ക്യാമറയിലൂടെയാണ് അല്ജസീറ സംഘം ഒത്തുകളിക്കാരെ കുടുക്കിയതെന്ന് ഓസ്ട്രേലിയന് പത്രം റിപ്പോര്ട്ട് ചെയ്യുന്നു. ഇന്ത്യയുടെ മുന് ഒന്നാം ക്ലാസ് ക്രിക്കറ്റര് റോബിന് മോറിസ്, ദുബായിയിലെ ഇന്ത്യന് വ്യവസായി ഗൗരവ് രാജ്കുമാര്, ഗാലെ സ്റ്റേഡിയം അസിസ്റ്റന്റ് മാനേജര് തരംഗ ഇന്ഡിക എന്നിവര് ഒത്തുകളി എങ്ങിനെ നടത്തണമെന്ന് ചര്ച്ച നടത്തുന്നതിന്റെ ദൃശ്യങ്ങള് അന്വേഷണ സംഘം പകര്ത്തിയിട്ടുണ്ട്.
