ഗംഗാതരംഗരമണീയജടാകലാപം
ഗൗരീനിരന്തരവിഭൂഷിതവാമഭാഗം
നാരായണപ്രിയമനംഗമദാപഹാരം
വാരാണസീപുരപതിം ഭജ വിശ്വനാഥം
വാചാമഗോചരമനേകഗുണസ്വരൂപം
വാഗീശവിഷ്ണുസുരസേവിതപാദപീഠം
വാമേനവിഗ്രഹവരേണകളത്രവന്തം
വാരാണസീപുരപതിം ഭജ വിശ്വനാഥം
ഭൂതാധിപംഭുജഗഭൂഷണഭൂഷിതാംഗം
വ്യാഘ്രാജിനാംബരധരംജടിലംത്രിനേത്രം
പാശാംകുശാഭയവരപ്രദശൂലപാണിം
വാരാണസീപുരപതിം ഭജ വിശ്വനാഥം
സീതാംശുശോഭിതകിരീടവിരാജമാനം
ബാലേക്ഷണാതലവിശോഷിതപഞ്ചബാണം
നാഗാധിപാരചിതഭാസുരകര്ണപൂരം
വാരാണസീപുരപതിം ഭജ വിശ്വനാഥം
പഞ്ചാനനംദുരിതമത്തമതംഗജാനാം
നാഗാന്തകംതനുജപുംഗവപന്നാഗാനാം
ദാവാനലംമരണശോകജരാടവീനാം
വാരാണസീപുരപതിം ഭജ വിശ്വനാഥം
തേജോമയം സഗുണനിര്ഗുണമദ്വിതീയം
ആനന്ദകന്ദമപരാജിതമപ്രമേയം
നാഗാത്മകം സകലനിഷ്കളമാത്മരൂപം
വാരാണസീപുരപതിം ഭജ വിശ്വനാഥം
രാഗാദിദോഷരഹിതം സ്വജനാനുരാഗം
വൈരാഗ്യശാന്തിനിലയം ഗിരിജാ സഹായം
മാധുര്യധൈര്യസുഭഗം ഗരളാഭിരാമം
വാരാണസീപുരപതിം ഭജ വിശ്വനാഥം
ആശാംവിഹായ പരിഹൃത്യ പരസ്യനിന്ദാം
പാപേ രതിം ച സുനിവാര്യ മനസ്സമാധൗ
ആദായ ഹൃദ്കമല മധ്യഗതം പരേശം
വാരാണസീപുരപതിം ഭജ വിശ്വനാഥം
വാരാണസീപുരപതേ സ്തവനം ശിവസ്യ
വ്യാഖ്യാതമഷ്ടകമിദം പഠതേ മനുഷ്യ
വിദ്യാം ശ്രിയം വിപുല സൗഖ്യമനന്തകീര്ത്തിം
സമ്പ്രാപ്യ ദേഹവിലയേ ലഭതേ ച മോക്ഷം
വിശ്വനാഥാഷ്ടകമിദം പുണ്യം യഃ പഠേഃ ശിവ സന്നിധൗ
ശിവലോകമവാപ്നോതി ശിവേനസഹ മോദതേ
