മട്ടന്നൂര്: മട്ടന്നൂരില് മലേറിയ സ്ഥിരീകരിച്ചതിനാല് കോഴിക്കോടു നിന്നുള്ള എസ്റ്റോമളജിസ്റ്റ് യൂണിറ്റ്, ജില്ലാ മെഡിക്കല് ഓഫീസറുടെ കീഴിലുള്ള കണ്ണൂര് ജില്ലാ വെക്ട്രല് കണ്ട്രോള് യൂനിറ്റ്, മട്ടന്നൂര് ആരോഗ്യ വകുപ്പ് എന്നിവര് മട്ടന്നൂരില് കേന്ദ്രീകരിച്ച് പ്രതിരോധ പ്രവര്ത്തനം ഊര്ജ്ജിതമാക്കി. ഇന്നു കാലത്ത് 6 മണി മുതല് മട്ടന്നൂര് നഗരത്തിന്റെ വിവിധ ഭാഗങ്ങളില് കൊതുകു നിര്മ്മാര്ജ്ജനത്തിന് ഫോഗിംഗ് നടത്തി. കണ്ണൂര് അന്താരാഷ്ട്ര വിമാനത്താവളത്തിലെ തൊഴിലാളികളില് നിന്നു രക്തസാമ്പിളുകള് ശേഖരിച്ചു. ജില്ലാ മെഡിക്കല് ഓഫീസറുടെ കീഴിലുള്ള കണ്ണൂര് ജില്ലാ വെക്ട്രല് കണ്ട്രോള് യൂണിറ്റ് വെള്ളിയാഴ്ച നഗരത്തിലെ വിവിധ സ്ഥാപനങ്ങളില് ഐആര്എസ്, ബാസിലസ് തുറിഞ്ചിയറന്സ് എന്നീ മരുന്നുകള് തളിക്കുകയും പൊതുജനങ്ങള് കൂടുതല് ബന്ധപ്പെടുന്ന സ്ഥാപനങ്ങളില് ഐഎസ് സ്പ്രേ അടിക്കുകയും ചെയ്തിരുന്നു. ചലിക്കാത്ത ശുദ്ധജലത്തിലൂടെയുള്ള കൊതുകു വ്യാപനം തടയുന്നതിനു കുടിവെളളത്തിന് ഉപയോഗിക്കാത്ത ബസ് സ്റ്റാന്റ് പരിസരത്തെ നഗരസഭാ കിണറിനു മുകളില് കൊതുകുവല വിരിച്ചു.
മലേറിയ: മട്ടന്നൂരില് പ്രതിരോധ പ്രവര്ത്തനം ഊര്ജ്ജിതമാക്കി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.