അഴീക്കോട്: വയോജനങ്ങളുടെ പ്രശ്നങ്ങള് ഗൗരവമായി ചര്ച്ച ചെയ്യുന്ന വേദി സര്ക്കാര് തലത്തിലോ മറ്റോ ഇല്ല എന്നത് ഒരു പോരായ്മയാണെന്നും ഇത് സമൂഹം ഗൗരവമായി കാണേണ്ടതും വൃദ്ധജനസംരക്ഷണത്തിന് വേണ്ട നടപടികള് ഭരണതലത്തില് ഉണ്ടാകണമെന്നും മന്ത്രി എ.കെ.ശശീന്ദ്രന് അഭിപ്രായപ്പെട്ടു. അഴീക്കോട് സാന്ത്വനം വയോജനസദനം വിഷു ആഘോഷവും വിഷുക്കോടി വിതരണവും ഡോ.സുകുമാര് അഴീക്കോട് ഓഡിറ്റോറിയത്തില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വയോജന സമൂഹം ഇന്ന് നിരവധി പ്രയാസങ്ങളെ അഭിമുഖീകരിക്കുകയാണ്. ഇത് അടുത്തകാലത്തായി വര്ദ്ധിച്ചുവരികയാണെന്നും സമൂഹത്തിന്റെ ആരോഗ്യകരമായ വളര്ച്ചക്കൊപ്പം വൃദ്ധജനങ്ങളുടെ ആയുസ്സ് വര്ധിക്കുന്നുണ്ടെങ്കിലും അവര് അവഗണിക്കപ്പെടുകയാണെന്നും അദ്ദേഹം അഭിപ്രായപ്പെട്ടു.
എം.ബി.കെ.അലവില് അധ്യക്ഷത വഹിച്ചു. അന്തേവാസികള്ക്കുള്ള വിഷുക്കോടി വിതരണം മന്ത്രി നിര്വ്വഹിച്ചു. തൈക്കണ്ടി മുരളീധരന്, ടി.പി.ഭാസ്കര്രപ്പൊതുവാള്, എ.കെ.രവീന്ദ്രന് മാസ്റ്റര്, എം.പത്മനാഭന് തുടങ്ങിയവര് സംസാരിച്ചു.
