ഇരിട്ടി: കാട്വെട്ട് യന്ത്രമുപയോഗിച്ച് കാടുവെട്ടിത്തെളിക്കുന്നതിനിടെ സ്ഫോടനം. തൊഴിലില് ഏര്പ്പെട്ട ആദിവാസി യുവാവിനെ പരിക്കുകളോടെ ആശുപത്രില് പ്രവേശിപ്പിച്ചു. എടക്കാനം ചേളത്തൂരിലെ മഞ്ഞക്കാഞ്ഞിരം കോളനിയിലെ ആദിവാസി യുവാവ് സുരേഷ്ബാബു (30) വിനാണ് സ്ഫോടനത്തില് പരിക്കേറ്റത്. ഇയാളെ ഇരിട്ടി താലൂക്ക് ആശുപത്രിയില് പ്രവേശിപ്പിച്ചു. സുരേഷ്ബാബുവിന്റെ നെഞ്ചിനും കൈക്കുമാണ് പരിക്കേറ്റത്.
ഇന്നലെ രാവിലെ 10 മണിയോടെ പുന്നാട് ടൗണിനു സമീപം ഉളിയില് നരയമ്പാറ സ്വദേശിയുടെ പറമ്പിലെ കാട് വെട്ടുന്നതിനിടെയായിരുന്നു സ്ഫോടനം നടന്നത്. സുരേഷ്ബാബുവും സഹപ്രവര്ത്തകന് ബാലകൃഷ്ണനും ചേര്ന്ന് കാട് വെട്ടുന്നതിനിടെ സുരേഷ് ബാബുവിന്റെ കാടുവെട്ടല് മെഷീന് സ്ഫോടക വസ്തുവില് തട്ടി പൊട്ടിത്തെറിക്കുകയായിരുന്നു. കാടുവെട്ട് യന്ത്രം പൂര്ണ്ണമായും തകര്ന്നു. ചീളുകള് തിരിച്ചാണ് സുരേഷ്ബാബുവിന് പരിക്കേറ്റത്. വിവരമറിയിച്ചതിനെത്തുടര്ന്ന് എത്തിയ ഇരിട്ടി പോലീസ് സ്ഥലത്തെത്തി പരിശോധന നടത്തി കേസ്സെടുത്ത് അന്വേഷണം ആരംഭിച്ചു.
