ഇരിട്ടി: സമഷ്ടി ചണ്ഡികാ മഹായാഗം ഏപ്രില് 7 മുതല് 10 വരെ പുന്നാട് ഗീതാഗ്രാമത്തില് നിവേദിതാ വിദ്യാലയാങ്കണത്തില് നടക്കും.
7 ന് പുലര്ച്ചെ 4 മണിമുതല് അഗ്നിയജനം, മഹാഗണപതി ഹോമം, അന്നപൂര്ണ്ണേശ്വരി ഹോമം, മഹാസങ്കല്പം, കലശ സ്താപനം, സംസ്കാരാതി ക്രിയകള്, ഗായത്രി ഹോമം, നവഗ്രഹ ഹോമം, നക്ഷത്രഹോമം, മഹാമൃത്യഞ്ജയ ഹോമം, ലളിതാ സഹസ്രനാമാര്ച്ചന, കലശപൂജ, സുഹാസിനി പൂജ എന്നിവ നടക്കും. രാവിലെ നടക്കുന്ന സമഷ്ടി, മഹാഗണപതി ഹോമത്തിന്റെ പ്രസാദം രാവിലെ 7 മണി മുതല് 10 മണി വരെ ലഭിക്കും. ഉച്ചയ്ക്ക് 2 മണിക്ക് നടക്കുന്ന സന്താന ഗോപാല പൂജയുടെ പ്രസാദം വൈകുന്നേരം 4 മണിമുതല് 5 മണിവരെ നടക്കും. വൈകുന്നേരം 3 മണി മുതല് സാംസ്കാരിക സമ്മേളനവും തുടര്ന്ന് സാംസ്കാരിക പരിപാടികളും നടക്കും.
8 ന് രാവിലെ 9 മണിമുതല് വിദ്യാമഹാസരസ്വതി ഹോമവും വിദ്യാഗോപാല മന്ത്രാര്ച്ചനയും നടക്കും. രാവിലെ 11 മണിമുതല് 1 മണിവരെ പ്രസാദം ലഭിക്കും. 6 മണിക്ക് ദീപാരാധന, തുടര്ന്ന് സാംസ്കാരിക പരിപാടികളും നടക്കും. 9 ന് രാവിലെ 9 മണി മുതല് മഹാനവഗ്രഹ ഹോമവും പ്രസാദ വിതരണവും നടക്കും. വൈകുന്നേരം 6 മണിക്ക് ദീപാരാധന, തുടര്ന്ന് കലാസാസ്കാരിക പരിപാടികള്. 10 രാവിലെ 9 മണിമുതല് കുബേര ലക്ഷ്മീഹോമം. രാവിലെ 11 മണിമുതല് 12 മണിവരെ പ്രസാദം ലഭിക്കും. വൈകുന്നേരം 6 മണിമുതല് മഹാ പൂര്ണ്ണാഹുതി. തുടര്ന്ന് ദീപാരാധന, കലാസാംസ്കാരിക പരിപാടികള്.
യാഗശാലയുടെ കാല്നാട്ട് കര്മ്മം 22 ന് രാവിലെ 10 .30 നും 12 നും ഇടയിലുള്ള മുഹൂര്ത്തത്തില് നടക്കും.
ജനറല് കണ്വീനര് ശങ്കരന് മാസ്റ്റര് പുന്നാട്, പി.എസ്.മോഹനന് കൊട്ടിയൂര്, പയ്യാവൂര് മാധവന് മാസ്റ്റര്, സൂരജ് എളയാവൂര് എന്നിവര് വാര്ത്താസമ്മേളനത്തില് സംബന്ധിച്ചു.
