അമ്പലപ്പുഴ: ഉണ്ണിമായയുടെ വിയോഗം അമ്പലപ്പുഴ നിവാസികളെ ദുഃഖത്തിലാഴ്ത്തി. അമ്പലപ്പുഴ തെക്ക് പഞ്ചായത്ത് കോമന പുതുവല് ഉദയന്- സുമ ദമ്പതികളുടെ മകള് ഉണ്ണിമായ (പൊന്നു- 18) പായല് കുളങ്ങരയില് കാറിടിച്ചാണ് മരിച്ചത്. പായല്കുളങ്ങര ജങ്ഷനില് നിന്ന് റോഡുമുറിച്ചുകടക്കാന് നില്ക്കവേ അമിതവേഗതയില് എത്തിയ കാര് ഇടിച്ചു തെറിപ്പിക്കുകയായിരുന്നു. അതീവ ഗുരുതരാവസ്ഥയില് വണ്ടാനം മെഡിക്കല് കോളേജില് പ്രവേശിപ്പിച്ചെങ്കിലും വെളുപ്പിന് മരിച്ചു. ആലപ്പുഴയിലെ സ്വകാര്യ സ്ഥാപനത്തില് എഞ്ചിനീയറിങ് കോച്ചിങിനു പോയി മടങ്ങവെ ആയിരുന്നു അപകടം. മൃതദേഹം വീട്ടിലെത്തിച്ചപ്പോള് ആയിരങ്ങളാണ് അവസാനമായി കുട്ടിയെ കാണാനെത്തിയത്. സഹപാഠികളുടെയും ബന്ധുക്കളുടെയും കൂട്ടനിലവിളി ഏവരെയും ദുഃഖത്തിലാഴ്ത്തി. പഠനത്തില് മിടുക്കിയായിരുന്ന പൊന്നു കുടുംബത്തിന്റെ പ്രതീക്ഷയായിരുന്നു.
നാടിനെ ദുഃഖത്തിലാഴ്ത്തി ഉണ്ണിമായയുടെ വിയോഗം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.