വട്ടപ്പാറ: സ്വകാര്യവ്യക്തികള് തോട് കൈയ്യേറി മണ്ണിട്ടു മൂടിയതോടെ വെള്ളക്കെട്ട് രൂപപ്പെട്ടു. കുളംപോലെ ചതുപ്പുകള് നിറഞ്ഞതോടെ പ്രദേശത്തെ ജനങ്ങള്ക്ക് കടുത്ത ആരോഗ്യപ്രശ്നങ്ങളുണ്ടാകുന്നതായി പരാതി. സ്ഥലപരിശോധനക്കെത്തിയറവന്യൂ ഉദ്യോഗസ്ഥര് കളക്ടര്ക്ക് റിപ്പോര്ട്ട് നല്കി. ജില്ലാകളക്ടര് തോട് പുനസ്ഥാപിക്കാന് നല്കിയ ഉത്തരവ് ഗ്രാമപഞ്ചായത്ത് സെക്രട്ടറി കാറ്റില്പ്പറത്തി. കരകുളം ഗ്രാമപഞ്ചായത്തിലെ വട്ടപ്പാറ ഗോവിന്ദവിളാകം തോടാണ് റോഡ്നിര്മ്മാണത്തിന്റെ മറവില് സ്വകാര്യവ്യക്തികള് കൈയ്യേറി നികത്തിയത്. നാല് കിലോമീറ്റര് നീളത്തില് സമൃദ്ധമായി നീരൊഴുക്കുണ്ടായിരുന്ന തോടായിരുന്നൂ ഇത്. തോട് മണ്ണിട്ടു മൂടിയതോടെ ഇവിടെ വെള്ളക്കെട്ടായി. സമീപത്ത് നേരത്ത ഉണ്ടായിരുന്ന വാഴ, തെങ്ങ് എന്നിവയെല്ലാം വെള്ളക്കെട്ടില് മുങ്ങി വ്യാപകമായി നശിച്ചു. സമീപത്ത വസ്തുവിന്റെ ഉടമ എസ്.അനിതകുമാരി ഉന്നത അദ്ധ്യോഗസ്ഥര്ക്ക് പരാതികള് നല്കിയിട്ടും മണ്ണ് മാറ്റാനോ തോട് പുനസ്ഥാപിക്കാനോ കൈയ്യേറ്റക്കാര് തയ്യാറായില്ല. വെള്ളക്കെട്ടില് മാലിന്യം നിറഞ്ഞു. കൊതുകുശല്ല്യം കാരണം സമീപത്തെ പല വീട്ടുകാര്ക്കും ഡങ്കിപ്പനി ബാധിച്ചു. നിരന്തരമായ പരാതിയെത്തുടര്ന്ന് ജില്ലാകളക്ടര്, ഡി.എം.ഒ എന്നിവരെല്ലാം സ്ഥലത്തെത്തി. അടിയന്തിരമായി മണ്ണ്കോരിമാറ്റി തോട്നവീകരിക്കണമെന്ന് താസീല്ദാര്ക്കും, ഗ്രാമപഞ്ചായത്ത്സെക്രട്ടറിക്കും നല്കിയ ഉത്തരവാണ് നടപ്പാക്കാതെ ഒരുവര്ഷമായി നീട്ടികൊണ്ടുപോകുന്നത്. തുടര്ന്ന് അനിത ഹൈക്കോടതിയെ സമീപിച്ചു. കോടതിയും അനുകൂല ഉത്തരവ് പുറപ്പെടുവിച്ചു. എന്നാല് പഞ്ചായത്തിലെ ചില രാഷ്ട്രീക കഷികള് തോട് നിര്മ്മാണത്തിനെ തുരങ്കം വക്കുകയാണെന്നും എട്ടുമാസമായിട്ടും കോടതിവിധിനടപ്പാക്കുന്നില്ലന്നും അനിതകുമാരി പരാതിയില് പറയുന്നു.
തോട് അടച്ചതോടെ ഉണ്ടായ വെള്ളക്കെട്ട് നാട്ടുകാരില് ആരോഗ്യപ്രശ്നങ്ങളുണ്ടാക്കുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.