ന്യൂദല്ഹി: തലസ്ഥാനത്തെ ചരിത്രപ്രസിദ്ധമായ തീര്മൂര്ത്തി ഭവനുമുന്നിലെ തീന്മൂര്ത്തി ചൗക്കിന്റെ പേരില് ഇനി ഇസ്രയേലിയെ ഹൈഫയും. ഇപ്പോള് ഇസ്രയേലിലെ ഗാസാ സ്ട്രിപ്പിലുള്ള ഹൈഫയ്ക്ക് ഇന്ത്യയുമായുള്ള ബന്ധം ഇന്ന് ഇസ്രയേല് പ്രസിഡന്റ് ബെഞ്ചമിന് നെതന്യാഹു സന്ദര്ശിച്ചതുമുതലല്ല. സന്ദര്ശനവേളയില് പേരു മാറ്റിയെന്നു മാത്രം.
ഇന്ത്യ- ഇസ്രായേല് സൗഹൃദ സ്മാരകമായാണ് ന്യൂദല്ഹി മുനിസിപ്പല് കൗണ്സില് (എന്ഡിഎംസി) പേരുമാറ്റിയത്. ഇനിമുതല് തീന്മൂര്ത്തി ഹൈഫ ചൗക്ക് എന്നും തീന്മൂര്ത്തി ഹൈഫ മാര്ഗ് എന്നും ഇവിടം അറിയപ്പെടും.
പ്രധാനമന്ത്രി നരേന്ദ്ര മോദി 2017 ജൂലായില് ഇസ്രായേല് സന്ദര്ശിച്ചപ്പോള് മുനിസിപ്പല് കൗണ്സില് പേരുമാറ്റല് പ്രമേയം പാസാക്കി. പക്ഷേ നെതന്യാഹവിന്റെ സന്ദര്ശന വേളയില് നടപ്പാക്കാന് നീട്ടിവെക്കുകയായിരുന്നു.
ഹൈയുടെ ചരിത്രം, ഇന്ത്യന് സൈന്യത്തിന്റെ വീരഗാഥ
ഒന്നാം ലോകയുദ്ധക്കാലത്ത്, 1918 ല്, തുര്ക്കി 402 വര്ഷം കൈയടക്കിവെച്ചിരുന്ന ഹൈഫ പിടിച്ചടക്കാന് ബ്രിട്ടീഷ് സാമ്രാജ്യത്തിനു വേണ്ടി പോരാടിയവരില് ഇന്ത്യന് സൈനികരായിരുന്നു ഏറെ. ജോധ്പൂര്, ഹൈദരാബാദ്, മൈസൂര് എന്നിവിടങ്ങളില്നിന്നുള്ള സൈനികര് ബ്രീട്ടീഷ് ഭരണത്തിലുള്ള ഇന്ത്യന്ഭരണകൂടത്തിനു കീഴില് തുര്ക്കിയിലെ ഇസ്ലാമിക ഭരണാര്ത്തിക്കാരന് ഓട്ടോമാന് അധീനപ്പെടുത്തിയിരുന്ന ഇസ്രയേലിലെ ഹൈഫയ്ക്കു വേണ്ടി പോരാടി. ഈ മൂന്നുനാട്ടുരാജ്യങ്ങളില് നിന്നുള്ള 44 സൈനികരാണ് അന്ന് കൊല്ലപ്പെട്ടത്. ഇസ്രയേല് സന്ദര്ശിച്ച വേളയില് 2017-ല് പ്രധാനമന്ത്രി നരേന്ദ്രമോദി ഹൈഫയിലെ യുദ്ധ സ്മാരകം സന്ദര്ശിച്ചിരുന്നു.
ഹൈഫ മോചിപ്പിച്ച് നാലു വര്ഷം കഴിഞ്ഞപ്പോള് ഇന്ത്യന് സൈനികരുടെ ധീരതത്ക്ക് സ്മാരകമായി ദല്ഹിയില് ബ്രിട്ടീഷ് സാമ്രാജ്യ ഭരണ പ്രതിനിധികള് 1922-ല് തീന്മൂര്ത്തി സ്മാരകം സ്ഥാപിച്ചു. വന്പടക്കോപ്പുകളുമായി യുദ്ധം ചെയ്ത് തുര്ക്കി സൈന്യത്തെ വാളും പരിചയും കൊണ്ട് മാത്രമാണ് ഇന്ത്യന് യോദ്ധാക്കള് വിജയിച്ചത്. 1918 സെപ്തംബര് 23 ന്. ഇന്ത്യന് സൈന്യം ആ ദിവസം സ്മരിച്ച് ഇന്ത്യന് സൈനികര്ക്ക് അഞ്ജലി അര്പ്പിക്കാറുണ്ട്.
ഇസ്രയേല് സന്ദര്ശനത്തിനിടെ മോദി, ഹൈഫ യുദ്ധ നായകന് എന്നറിയപ്പെടുന്ന മേജര് ദള്പത് സിങ്ങിന്റെ ധീരതയുടെ സ്മാരകമായി ഫലകം അനാച്ഛാദനം ചെയ്തിരുന്നു. ”ഒന്നാം ലോകയുദ്ധക്കാലത്ത് ഹൈഫയുടെ മോചനത്തിന് ജീവന് ബലിനല്കിയും യുദ്ധം ചെയ്ത ധീര ഇന്ത്യന് സൈനികരുടെ സ്മരണയില് ഇവിടെ നില്ക്കുമ്പോള് എനിക്ക് അത്യധികം ആദരവുണ്ട്.” എന്ന് മോദി അവിടെ അതിഥി പുസ്തകത്തില് രേഖപ്പെടുത്തി.
