ന്യൂദല്ഹി: സുപ്രീം കോടതിയിലെ പ്രശ്നങ്ങൾ പരിഹരിക്കുന്നതിനായി ബാർ കൗൺസിൽ അംഗങ്ങൾ ഇന്ന് ജഡ്ജിമാരുമായി ചർച്ച നടത്തും. ബാര് കൗണ്സിലിന്റെ ഏഴംഗ സമിതിയാണ് വൈകീട്ട് ജഡ്ജിമാരുമായി കൂടിക്കാഴ്ച നടത്തുന്നത്.
സുപ്രീംകോടതി ചീഫ് ജസ്റ്റിസ് ദീപക് മിശ്രയുമായും സമിതി കൂടികാഴ്ച നടത്തും. അവരുടെ അഭിപ്രായം കൂടി അറിഞ്ഞ ശേഷം മാത്രമേ പ്രശ്നപരിഹാരം സംബന്ധിച്ച് അന്തിമ തീരുമാനത്തിലെത്തു. ഫുള്കോര്ട്ട് വിളിച്ച് പ്രശ്നം പരിഹരിക്കണമെന്നാണ് ബാര് കൗണ്സിലിന്റെ നിലപാട്.
സുപ്രീംകോടതിയിലെ ജസ്റ്റിസുമാരായ രഞ്ജന് ഗൊഗോയ്, മദന് ബി.ലോക്കൂര്, കുര്യന് ജോസഫ്, ചെലമേശ്വര് എന്നിവര് രണ്ടു ദിവസം മുന്പേ കോടതി നടപടികള് നിര്ത്തിവെച്ച് മാധ്യമങ്ങളെ കണ്ട് സുപ്രീംകോടതിക്കെതിരെ രൂക്ഷ വിമര്ശനമുന്നയിച്ചിരുന്നു.
