ചങ്ങനാശ്ശേരി: കേന്ദ്രസര്ക്കാരിന്റെ സാമൂഹ്യനീതി ശാക്തീകരണ മന്ത്രാലയം ആരംഭിക്കുന്ന ദേശീയ സര്വ്വേയില് ചങ്ങനാശ്ശേരി സോഷ്യല് സര്വ്വീസ് സൊസൈറ്റി -ചാസ് പങ്കാളിയാകുന്നു. ‘മദ്യം മയക്കുമരുന്നു ഉപയോഗത്തിന്റെ വ്യാപ്തിയും ഉപയോഗരീതികളും’ കണ്ടെത്തുന്നതിനാണ് സര്വ്വേ നടത്തുന്നത്. ഇതിന്റെ അടിസ്ഥാനത്തില് മദ്യം മയക്കുമരുന്ന് രോഗചികിത്സയ്ക്കാവശ്യമായ സംവിധാനങ്ങള് ഒരുക്കുകയാണ് ലക്ഷ്യം. ഓള് ഇന്ഡ്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസും നാഷ്ണല് ഡ്രഗ് ഡിപ്പന്റന്സ് ട്രീറ്റ്മെന്റ്സെന്ററുമാണ് സര്വ്വേ പ്രവര്ത്തനങ്ങള്ക്ക് നേതൃത്വം നല്കുന്നത്. സംസ്ഥാനതലത്തില് സാമൂഹികനീതിവകുപ്പിന്റെ അദ്ധ്യക്ഷന് നോഡല് ഓഫീസറായി പ്രവര്ത്തിക്കും. അതുവഴി വിവിധ ഡിപ്പാര്ട്ടുമെന്റുകളുടെയും ത്രിതല പഞ്ചായത്ത് സമിതികളുടെയും സഹകരണം സര്വ്വേപ്രവര്ത്തനങ്ങള്ക്കുവേണ്ടി ഉറപ്പാക്കിയിട്ടുണ്ട്. പ്രത്യേക പരിശീലനം നേടിയ ഫീല്ഡ് ഇന്റര്വ്യൂവേഴ്സ് ആദ്യഘട്ടത്തില് മാപ്പിംഗ് ആന്റ് ലിസ്റ്റിംഗ് പൂര്ത്തിയാക്കും. അതിനുശേഷം വ്യക്തിഗത മുഖാഭിമുഖത്തിലൂടെയാണ് വിവരശേഖരണം നടത്തുന്നത്.
ദേശീയ സര്വ്വേയില് ചാസ് പങ്കാളിയാകും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.