മാവേലിക്കര: പിഎസ്സി മുഖേന ജോലിക്ക് അപേക്ഷിക്കുന്നവരുടെ എണ്ണം ക്രമാതീതമായി വര്ദ്ധിച്ചു. സര്ക്കാര് സര്വീസിലെ സുരക്ഷിതത്വവും സ്വകാര്യ, ഗള്ഫ് മേഖലകളിലെ അരക്ഷിതാവസ്ഥയുമാണ് കാരണം. 2016-17 വര്ഷത്തില് 10,15,9405 അപേക്ഷകരാണ് ഉണ്ടായിരുന്നത്. മുന് കൊല്ലത്തെ കൂടി കൂട്ടിയാല് അപേക്ഷകരുടെ എണ്ണം 1,38,41,755 ആകും. ഇതില് 2017-18ലെ അപേക്ഷകരുടെ എണ്ണം കണക്കായിട്ടില്ല. ഇതുകൂടി കൂട്ടിയാല് എണ്ണം വര്ദ്ധിക്കും.
സ്വകാര്യ മേഖലയില് ആകര്ഷകമായ ശമ്പളത്തില് ജോലി ചെയ്യുന്നവര് പോലും പിഎസ്സി പരീക്ഷയ്ക്ക് എത്തുന്നുണ്ട്. സംസ്ഥാന സര്വീസിലെ മികച്ച സേവന വേതന വ്യവസ്ഥകള്, ഐടി, ഗള്ഫ് സ്വകാര്യ മേഖലകളിലെ തൊഴില് പ്രതിസന്ധി, പരമ്പരാഗത തൊഴില് മേഖലയുടെ തകര്ച്ച തുടങ്ങിയവയാണ് അപേക്ഷകരുടെ എണ്ണം കൂടാന് കാരണം. തൊഴില് അന്വേഷകരുടെ വര്ദ്ധന ഇങ്ങനെ.
വര്ഷം, അപേക്ഷകര്, എല്ലാം ചേര്ത്ത്, നിയമന ശുപാര്ശ ക്രമത്തില്
2013-14 – 6049288 – 10645826 – 33001
2014-15 – 5811567 – 13789876 – 27233
2015-16 – 4654688 – 9498574 – 27234
2016-17 – 10159405 – 13841755 – 38166
എന്നാല് ചില സംവരണ തസ്തികകളിലേക്ക് ഉദ്യോഗര്ത്ഥികളെ കിട്ടാനില്ല. എസ്സി/എസ്ടിയില് നിന്ന് ഹയര് സെക്കന്ണ്ടറി ജൂനിയര് അറബിക് ടീച്ചര്, നോണ് വൊക്കേഷണല് വകുപ്പില് ഫിസിക്സ് ടീച്ചര് തുടങ്ങിയ തസ്തികകളിലാണ് ഉദ്യോഗാര്ത്ഥികളെ കിട്ടാത്തത്. മറ്റ് സംവരണ വിഭാഗക്കാരുടെ 49 തസ്തികകളിലും ക്ഷാമമുണ്ട്. പ്രൈമറി തലത്തിലെ അറബിക് ടീച്ചര്ന്മാരെയും കിട്ടാന്നില്ല.
ലത്തീന്കത്തോലിക്ക, ഒബിസി, ഈഴവ, ക്രിസ്തന്, മുസ്ലിം, ഒഇസി ഉദ്യോഗാര്ത്ഥികളെയാണ് പലതവണ എന്വിഎ വിജ്ഞാപനം ഇറക്കിയിട്ടും കിട്ടാത്തത് അറബി ഭാഷ അറിയാത്തതാണെന്നാണ് ആക്ഷേപം.
