ഇസ്ലാമാബാദ്: കുല്ഭൂഷണ് ജാദവിന്റെ അമ്മയേയും ഭാര്യയേയും അപമാനിച്ച പാക് സര്ക്കാരിനെയും മാധ്യമപ്രവര്ത്തകരെയും കടന്നാക്രമിച്ച് പാക് പത്രപ്രവര്ത്തകര്.
എഴുപതു വയസായ സ്ത്രീയെ അപമാനിക്കുന്നതും പരിഹസിക്കുന്നതുമാണോ രാജ്യസ്നേഹം പ്രകടിപ്പിക്കാനുള്ള നല്ല വഴി? പ്രമുഖ പാക് മാധ്യമ പ്രവര്ത്തകന് ബേനസീര് ഷാ ട്വിറ്ററില് ചോദിച്ചു. അങ്ങനെ കരുതുന്നവരോട് ഒന്നും പറയാനില്ല. ഷാ തുടര്ന്നു. കുല്ഭൂഷണ് യാദവിന്റെ അമ്മയോടും ഭാര്യയോടും പാക് മാധ്യമപ്രവര്ത്തകര് ചെയ്തതു കണ്ട് ഞാന് നാണിക്കുന്നു. വയണ് ന്യൂസ് ബ്യൂറോ ചീഫ് താഹ സിദ്ദിഖി ട്വിറ്ററില്കുറിച്ചു.
കുല്ഭൂഷണിന്റെ അമ്മയേയും ഭാര്യയേയും അപമാനിച്ച നാണംകെട്ട പരിപാടി വിദേശകാര്യ മന്ത്രാലയം ആസൂത്രണം ചെയ്തതാണെന്നും ആ ജോലി ഭംഗിയായി ചെയ്ത മാധ്യമ പ്രവര്ത്തകരെ മന്ത്രാലയം പിന്നീട് അനുമോദിച്ചതായും ഡോണ് ലേഖകന് ഹസന് ബലാല് സയ്ദി സാമൂഹ്യ മാധ്യമങ്ങളില് പോസ്റ്റിട്ടു. രണ്ടു സ്ത്രീകള്ക്കെതിരെ അവര് മുദ്രാവാക്യം മുഴക്കി, അവരെ അപഹസിച്ചു. ട്വീറ്റില് സയ്ദി ചൂണ്ടിക്കാട്ടി.
ഡിസംബര് 25ന് കുല്ഭൂഷണെ കാണാന് എത്തിയ അമ്മ അവന്തിയേയും ഭാര്യ ചേതന്കൗളിനെയും പാക് സര്ക്കാരും മാധ്യമപ്രവര്ത്തകരും അപമാനിച്ചിരുന്നു.
കണ്ണാടി മറയിലിരുത്തിയാണ് ജാദവിനെ അവര്ക്കു മുന്നില് പ്രദര്ശിപ്പിച്ചത്. ചേതന്കൗളിന്റെ താലി അഴിപ്പിച്ച പാക്കിസ്ഥാന് ഇരുവരുടേയും കുങ്കുമപ്പൊട്ട് മായ്പ്പിച്ചു. ചെരുപ്പ് പിടിച്ചുവച്ചു. ചേതന്കൗളിന് ചെരുപ്പ് മടക്കി നല്കിയുമില്ല. ചെരുപ്പില് ചിപ്പുകള് വച്ചിട്ടുണ്ടെന്നായിരുന്നു പാക് ആരോപണം.
