കൊല്ലം: ജില്ലയുടെ സമഗ്ര വികസനം ലക്ഷ്യമിടുന്ന ജില്ലാ പദ്ധതി രൂപീകരണം അന്തിമഘട്ടത്തിലേക്ക്. ജില്ലാ പദ്ധതിയുടെ ഉപസമിതികള് തയ്യാറാക്കിയ കരട് പദ്ധതികളുടെ അവതരണം ഇന്നലെ കളക്ട്രേറ്റ് കോണ്ഫറന്സ് ഹാളില് നടന്നു. ഉപസമിതികളുടെ കണ്വീനര്മാരായ ജില്ലാതല ഉദ്യോഗസ്ഥരാണ് പദ്ധതി അവതരണം നിര്വഹിച്ചത്.
ആസൂത്രണസമിതി അധ്യക്ഷയായ ജില്ലാ പഞ്ചായത്ത് പ്രസിഡന്റ് കെ.ജഗദമ്മയുടെ അധ്യക്ഷതയില് ചേര്ന്ന യോഗത്തില് ആസൂത്ര ബോര്ഡ് അംഗം ഡോ.കെ.എന്.ഹരിലാല്, ലോക്കല് ഗവ.കമ്മീഷന് ചെയര്മാന് ഡോ. വിനോദ്, ജില്ലാ കളക്ടര് ഡോ.എസ്. കാര്ത്തികേയന്, ആസൂത്രണസമിതി അംഗങ്ങള്, ആസൂത്രണ സമിതിയിലെ സര്ക്കാര് നോമിനി എം. വിശ്വനാഥന്, ജില്ലാ പ്ലാനിംഗ് ഓഫീസര് പി.ഷാജി തുടങ്ങിയവര് സന്നിഹിതരായിരുന്നു.
ജനങ്ങളുടെ പ്രശ്നങ്ങള് പരിഹരിക്കുന്നതിനും ജില്ലയുടെ വികസനത്തിനും അനുയോജ്യമായ സമഗ്ര പദ്ധതി സര്ക്കാര് നയങ്ങളും വിദഗ്ധരുടെ ഉപദേശങ്ങളും ഉള്പ്പെടുത്തി എല്ലാ വകുപ്പുകളും തദ്ദേശസ്വയംഭരണസ്ഥാപനങ്ങളും ചേര്ന്ന് തയ്യാറാക്കണമെന്ന് ഡോ. കെ.എന്. ഹരിലാല് നിര്ദ്ദേശിച്ചു. വ്യവസായവകുപ്പ് തദ്ദേശഭരണ സ്ഥാപനങ്ങളുടെ പിന്തുണയോടെ സ്റ്റാര്ട്ട് അപ് സംരംഭങ്ങള് തുടങ്ങണം.
സര്ക്കാരിന്റെ ഇന്ക്യുബേഷന് ഫണ്ട് പോലുള്ള സാധ്യതകള് വിനിയോഗിച്ച് സംരം’-ക ക്ലബ്ബുകള് പ്രോത്സാഹിപ്പിക്കുകയും അത്തരം പദ്ധതികള് ഉള്പ്പെടുത്തി പ്രോജക്ടുകള് തയ്യാറാക്കുകയുംവേണം-അദ്ദേഹം പറഞ്ഞു.
