കൊല്ലം: നാഷണല് എംപ്ലോയ്മെന്റ് സര്വീസ് സ്കീമും എംപ്ലോയ്മെന്റ് എക്സ്ചേഞ്ചും എംപ്ലോയിബിലിറ്റി സെന്ററും ചേര്ന്ന് തൊഴില് രഹിതരായ യുവജനങ്ങള്ക്കായി ജനുവരി ആറിന് മെഗാ തൊഴില് മേള നടത്തും. കൊല്ലം, തിരുവനന്തപുരം, പത്തനംതിട്ട ജില്ലകളിലെ അന്പതോളം പ്രമുഖ സ്വകാര്യ കമ്പനികളാണ് ജോബ് ഫെസ്റ്റില് പങ്കെടുക്കുന്നത്. തൊഴില് അന്വേഷകര്ക്ക് നൂതന സാധ്യതകള് വഴിയൊരുക്കിയാണ് ‘ദിശ 2018’ നടക്കുന്നത്. ശാസ്താംകോട്ട ബിഎംസി എഞ്ചിനീയറിങ് കോളേജിലാണ് തൊഴില് മേള. എംപ്ലോയിബിലിറ്റി സെന്ററില് പേര് രജിസ്റ്റര് ചെയ്യുന്ന ഉദ്യോഗാര്ത്ഥികള്ക്കാണ് തൊഴില് മേളയില് പങ്കെടുക്കാന് അവസരം ലഭിക്കുന്നത്. കൊല്ലം കെഎസ്ആര്ടിസി ബസ് സ്റ്റാന്ഡിനു സമീപത്തുള്ള ജില്ലാ എംപ്ലോയിമെന്റ് എക്സ്ചേഞ്ചിനകത്തുള്ള എംപ്ലോയബിലിറ്റി സെന്ററില് ഉദ്യോഗാര്ത്ഥികള്ക്ക് നേരിട്ട് വന്ന് പേര് രജിസ്റ്റര് ചെയ്യാം. പ്ലസ്ടു മുതല് ബിരുദാനന്തര ബിരുദം വരെയുള്ള ഉദ്യോഗാര്ത്ഥികള്ക്ക് മേളയില് തൊഴിലവസരം ഒരുക്കുന്നു. 18നും 36നും ഇടയില് പ്രായമുള്ള ഉദ്യോഗാര്ത്ഥികള്ക്ക് മേളയില് പങ്കെടുക്കാമെന്ന് സംഘാടകര് പറഞ്ഞു. വിവരങ്ങള്ക്ക് 9539172690.
തൊഴില്മേള
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.