ചെങ്ങന്നൂര്: ബിഎംഎസ് ജില്ലാ സമ്മേളനം ഇന്ന് ചെങ്ങന്നൂരില് തുടങ്ങും. രണ്ട് ദിവസങ്ങളിലായി നടക്കുന്ന സമ്മേളനത്തിന്റെ ഭാഗമായി പ്രകടനം, പൊതുസമ്മേളനം, പ്രതിനിധി സമ്മേളനം എന്നിവ നടക്കും.
ഇന്നു വൈകിട്ട് 3.30ന് ശക്തിപ്രകടനം ചെങ്ങന്നൂര് ഐടിഐ ജംങ്ഷനില് നിന്നാരംഭിച്ച് മാര്ക്കറ്റ് റോഡില് സമാപിക്കും. തുടര്ന്ന് നടക്കുന്ന പൊതുസമ്മേളനം സംസ്ഥാന വൈസ് പ്രസിഡന്റ് കെ.കെ. വിജയകുമാര് ഉദ്ഘാടനം ചെയ്യും. ജില്ലാ പ്രസിഡന്റ് ബി. രാജശേഖരന് അദ്ധ്യക്ഷനാകും. രാത്രി ഒന്പതിന് ആര്എസ്എസ് വിഭാഗ് കാര്യാലയത്തില് ബിഎംഎസ് ജില്ലാ ഭാരവാഹിയോഗം നടക്കും.
നാളെ രാവിലെ മാരുതി ഓഡിറ്റോറിയത്തില് പ്രതിനിധി സമ്മേളനം സംസ്ഥാന ജനറല് സെക്രട്ടറി എം.പി. രാജീവന് ഉദ്ഘാടനം ചെയ്യും. വൈസ് പ്രസിഡന്റ് അഡ്വ. എം.പി. ഭാര്ഗ്ഗവന്, ആര്എസ്എസ് വിഭാഗ് കാര്യവാഹ് ഒ.കെ. അനില്, അഡ്വ. എസ്. ആശാമോള് എന്നിവര് ആശംസയര്പ്പിക്കും. വൈകിട്ട് സമാപന സമ്മളനത്തില് സംസ്ഥാന സംഘടനാ സെക്രട്ടറി സി.വി. രാജേഷ് പ്രഭാഷണം നടത്തും.
