വടക്കാഞ്ചേരി: കോഴിമുട്ടയ്ക്കുളളില് വിസ്മയ ചിത്രങ്ങള് വരക്കുന്ന വടക്കാഞ്ചേരി സ്വദേശി സൂരജ് കുമാര് ലോകറെക്കോഡിലേക്ക്.
കോഴിമുട്ടയില് ചെറിയ സുഷിരമുണ്ടാക്കി, സ്വന്തമായി രൂപകല്പ്പന ചെയ്ത ബ്രഷ് ഉപയോഗിച്ചാണ് മുട്ടക്കുള്ളില് സൂരജ് ചിത്രങ്ങള് വരക്കുന്നത്. ചൂല്പുറത്ത് പരേതനായ കുമാരന്റേയും സുമിത്രയുടേയും മകനായ സൂരജ് കുമാര് പത്ത് വര്ഷത്തിനിടെ അമ്പതോളം ചിത്രങ്ങളാണ് വരച്ചത്.
ലോകത്തെ എറ്റവും വില കൂടിയ ചിത്രമായ എഡ്വേഡ് മങ്കിന്റെ ദ സ്ക്രീന്, വിന്സെന്റ് വാന്ഗോഗിന്റെ സണ് ഫ്ളവര്, കുരിശിന്റെ വഴി, ഇ എം എസ് മുതല് പിണറായി വിജയന് വരെയുളള മുഖ്യമന്ത്രിമാര്, ഗാന്ധിജി, ചെഗുവേര, എന്നിവരുടെ ചിത്രങ്ങളും മുട്ടക്കുള്ളില് വരച്ചു.
അമ്പതില്പരം സൂക്ഷ്മ ചിത്രങ്ങളുടെ പ്രദര്ശനവും, യു ആര് എഫ് ദേശീയ റെക്കോര്ഡിനുളള ചിത്രരചനയും ഇന്ന് വടക്കാേഞ്ചരി വായനശാല ഹാളില് നടക്കും.
കല്ക്കത്ത ആസ്ഥാനമായി പ്രവര്ത്തിക്കുന്ന യൂണിവേഴ്സല് റെക്കോര്ഡ് ഫോറമാണ് സൂരജ് കുമാറിന്റെ മികവിന് ലോക റിക്കാര്ഡ് നല്കുന്നത്.
