ലക്നൗ : മതേതരം എന്ന വാക്ക് വലിയ നുണയാണെന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്. ഒരു സമൂഹത്തിനും മതേതരമാകാന് കഴിയില്ലെന്നും യോഗി പറഞ്ഞു. റായ്പൂരിലെ ദൈനിക് ജാഗരണ് ഗ്രൂപ്പ് സംഘടിപ്പിച്ച പരിപാടിക്കിടെ വര്ഗ്ഗീയത മതേതരത്വം എന്നീ വിഷയത്തെ കുറിച്ചുള്ള ചോദ്യങ്ങളോട് പ്രതികരിക്കുകയായിരുന്നു അദ്ദേഹം.
മതേതരം എന്ന വാക്ക് സ്വാതന്ത്ര്യം ലഭിച്ച നാള് മുതല് ഉപയോഗിക്കുന്ന വലിയൊരു നുണയാണ്. അത് ഉപയോഗിക്കുന്നവര് ജനങ്ങളോട് മാപ്പുപറയണമെന്നും യോഗി ആവശ്യപ്പെട്ടു. രാഷ്ട്രീയ വ്യവസ്ഥയ്ക്ക് വര്ഗപരമായ നിഷപക്ഷത പുലര്ത്താം. സര്ക്കാര് പരിപാടികളില് ഒരു വിഭാഗത്തിന്റെ പ്രാര്ഥന മാത്രം മതിയെന്ന് പറയുന്നത് ശരിയല്ല.
യുപിയില് 22 കോടി ജനങ്ങളുടെ സുരക്ഷയുടേയും ഉത്തരവാദിത്തം തനിക്കാണ്. രാഷ്ട്രീയ വ്യവസ്ഥക്ക് നിഷ്പക്ഷമായി തുടരാം. താനിവിടെ ഇരിക്കുന്നത് ഏതെങ്കിലും സമുദായത്തെ നശിപ്പിക്കാനല്ല. നിങ്ങള്ക്ക് പക്ഷം പിടിക്കാതിരിക്കാം ,പക്ഷം മതേതരനാകാനാകില്ല’ യോഗി പറഞ്ഞു.
സ്വാര്ഥ താല്പര്യത്തിന് വേണ്ടി രാജ്യത്തെ കോടിക്കണക്കിന് ജനങ്ങളുടെ വികാരം വെച്ചാണ് കോണ്ഗ്രസ് കളിച്ചത്. മതത്തിന്റെയും ജാതിയുടെയും ഭാഷയുടെയും അടിസ്ഥാനത്തില് കോണ്ഗ്രസ് രാജ്യത്തെ വിഭജിച്ചു. ചിലിടത്ത് തീവ്രവാദം, ചിലയിടത്ത് നക്സലിസം, ചിലയിടത്ത് വിഘടനവാദം… നാം ഇപ്പോഴും അതിന് വലിയ വില കൊടുത്തു കൊണ്ടിരിക്കുകയാണ്. നമ്മെ സംബന്ധിച്ചിടത്തോളം രാജ്യം ഒന്നടങ്കം ഒരു കുടുംബമാണെന്നും യോഗി പറഞ്ഞു.
