അഞ്ചല്: ശബരിമലക്ഷേത്രത്തില് സ്ത്രീകള് പ്രവേശനം ആവശ്യപ്പെടുമ്പോള് മുസ്ലീം ദേവാലയങ്ങളില് സ്ത്രീകള്ക്ക് കയറണമെന്ന് ആര്ക്കെങ്കിലും പറയാന് കഴിയുമോയെന്ന് മുന്നോക്ക വികസന കോര്പ്പറേഷന് ചെയര്മാന് ആര് ബാലകൃഷ്ണപിള്ള. വടമണ് എന്എസ്എസ് കരയോഗത്തിന്റെ കുടുംബസമ്മേളനത്തില് സംസാരിക്കുകയായിരുന്നു അദ്ദേഹം.
മുത്തലാഖ് എന്ന അപമര്യാദയായ കാര്യം സുപ്രീംകോടതി ഇടപെട്ട് നിര്ത്തി. പക്ഷെ മുസ്ലീം വ്യക്തിനിയമ ബോര്ഡ് പറഞ്ഞത് തങ്ങള് അംഗീകരിക്കില്ലെന്നാണ്. ഇന്നും മുത്തലാഖ് നടക്കുന്നു.
ഹിന്ദു വിവാഹങ്ങള് കോടതികയറാനും പെണ്കുട്ടികള് വഴിയാധാരമാകുന്നത് ഒഴിവാക്കാനും ജാഗ്രത പാലിക്കണം. ടിപ്പു സുല്ത്താനെ കയ്യും കാലും തല്ലിയൊടിച്ച് കീഴടക്കിയ നായര്പടയാളികളെക്കുറിച്ചോ, പഴശ്ശിരാജയ്ക്ക് തുണയായിരുന്ന നായര് പടയാളികളെക്കുറിച്ചോ എഴുതാന് ആളില്ലെന്നും അദ്ദേഹം പറഞ്ഞു. കരയോഗം പ്രസിഡന്റ് വി.മധുസൂദനന് പിള്ള അദ്ധ്യക്ഷനായി. സെക്രട്ടറി ബി.രാജേന്ദ്രന് പിള്ള റിപ്പോര്ട്ട് അവതരിപ്പിച്ചു. തുഞ്ചന് അവാര്ഡ്ജേതാവ് വടമണ് ദേവകിയമ്മയെ ചടങ്ങില് ആദരിച്ചു. എം.ബി. ഗോപിനാഥപിള്ള, ഭരണസമിതിയംഗങ്ങളായ ആര്.സുരേന്ദ്രന് പിള്ള, ബി.എല്. വിനയകുമാര്, യൂണിയന് സെക്രട്ടറി ജി.അനില് കുമാര്, എസ്.വിജയകുമാരി, ഈശ്വരിയമ്മ, എസ്.സജീഷ് കുമാര്, വേലപ്പന്പിള്ള തുടങ്ങിയവര് സംസാരിച്ചു.
