മുസാഫറാബാദ്(പാക്കധീന കശ്മീര്): പാക്കിസ്ഥാനെതിരെ പാക്കധീന കശ്മീരില്(പിഒകെ) സര്ക്കാര് ഉദ്യോഗസ്ഥരുടെ പ്രതിഷേധം. പാക്കധീന കശ്മീരിലെ സര്ക്കാര് ഉദ്യോഗസ്ഥര് കരാര് അടിസ്ഥാനത്തിലാണ് പ്രവര്ത്തിക്കുന്നത്. തങ്ങള്ക്ക് മാസശമ്പളം നല്കണമെന്നാവശ്യപ്പെട്ടാണ് മുസാഫറാബാദില് പ്രക്ഷോപവുമായി സര്ക്കാര് ഉദ്യോഗസ്ഥര് രംഗത്തെത്തിയത്. നിരവധി മാസങ്ങളായി ഇവര്ക്ക് ശമ്പളം ലഭിച്ചിട്ടില്ല.
പാക്കിസ്ഥാന്റെ വിവേചനപരമായ നയമാണ് ഈ അവസ്ഥയ്ക്ക് കാരണമെന്ന് ഇവര് പറഞ്ഞു. പിഒകെയില് ആരോഗ്യം,വിദ്യാഭ്യാസം, മറ്റ് സര്ക്കാര് മേഖലകളില് ജോലി ചെയ്യുന്നവരാണി ഉദ്യോഗസ്ഥര്. എട്ടുമായി ശമ്പളം ലഭിക്കാത്തതിനെത്തുടര്ന്ന് ഒരാള് അസുഖംമൂലം മരിച്ചതായും ഇവര് പറഞ്ഞു. സ്ഥിര ശമ്പളം നല്കുമെന്ന് ജൂലൈയില് സര്ക്കാര് ഉറപ്പുപറഞ്ഞതാണ്.
നിയമസഭ ഇത് പാസ്സാക്കുകയും ചെയ്തതാണ്. എന്നാല് ശമ്പളം ഇതുവരെ ലഭിച്ചില്ലെന്ന് സമരക്കാര് പറഞ്ഞു. പാക്കിസ്ഥാനിലെ നാല് പ്രവശ്യകളിലും സ്ഥിരം ശമ്പളം നല്കുമ്പോള് പിഒകെയില് മാത്രമാണ് കരാര് വേതനം നല്കുന്നത്. പാക്കിസ്ഥാന് പ്രധാനമന്ത്രി ചെയര്മാനും ചീഫ് എക്സിക്യൂട്ടിവുമായുള്ള കൗണ്സിലാണ് പിഒകെയിലെ കാര്യങ്ങള് തീരുമാനിക്കുന്നത്.
