കൊല്ലം: ആശ്രാമത്ത് പ്രഷര്കുക്കര് പൊട്ടിത്തെറിച്ച് വീട്ടമ്മയ്ക്ക് പൊള്ളലേറ്റു. കാവടിപ്പുറം സ്വദേശി സൂസന്നയ്ക്കാണ് പൊള്ളലേറ്റത്. സ്ഫോടനത്തിനിടെ കുക്കറിലെ കഞ്ഞിവെള്ളം കൈത്തണ്ടയിലേക്ക് വീണാണ് പൊള്ളലേറ്റത്. പൊള്ളല് ഗുരുതരമല്ല. തലനാരിഴയ്ക്കാണ് അത്യാഹിതം ഒഴിവായത്.
ഉച്ചയ്ക്ക് അരിവേവിക്കുന്നതിനിടെയാണ് ഉഗ്രശബ്ദത്തോടെ കുക്കര്പൊട്ടിത്തെറിച്ചത്. ഗ്യാസ് അടുപ്പിന്റെ ഒരുഭാഗം പൂര്ണമായി തകര്ന്നു. കുക്കറിലെ ആവിപോകാനുള്ള സുഷിരങ്ങളും, സേഫ്റ്റി വാല്വും അടഞ്ഞനിലയിലാണെന്ന് പിന്നീട് പരിശോധനയില് വ്യക്തമായി.
കുക്കറിന്റെ അടപ്പ് ചെന്നിടിച്ചു മേല്ക്കൂരയിലെ രണ്ട് ഷീറ്റുകളും നശിച്ചു. അഞ്ചുമീറ്റര് അകലെനിന്നാണ് അടപ്പ് കണ്ടെത്തിയത്. ഇവരുടെ രണ്ട് മക്കളും വീടിന് വെളിയിലായിരുന്നതിനാലും, യുവതി അകലെ നിന്നതിനാലുമാണ് ദുരന്തം ഒഴിവായത്. തകര്ന്ന അടുപ്പില്നിന്നും ഗ്യാസ് ചോര്ന്ന് തീപിടിക്കാതിരുന്നതും തുണയായി.
