ന്യൂദല്ഹി: ജഡ്ജിമാരാകാന് ശുപാര്ശ ചെയ്തവരുടെ കഴിവും പശ്ചാത്തലവും പരിശോധിക്കാന് ഐബിയെ ചുമതലപ്പെടുത്തുന്ന സമ്പ്രദായത്തിനെതിരെ സുപ്രീം കോടതി െകാളീജിയം. അക്കാര്യം ഇന്റലിജന്സ് ബ്യൂറോയല്ല പരിശോധിക്കേണ്ടത്, ജഡ്ജിയാക്കാന് പരിഗണിക്കുന്ന അഭിഭാഷകന്റെ കഴിവ് കോടതി തന്നെ പരിശോധിച്ചുകൊള്ളാം. കൊളീജിയം വ്യക്തമാക്കി.
ഹൈക്കോടതി ജഡ്ജിമാരെ സുപ്രീം കോടതി ചീഫ് ജസ്റ്റിസുമാരും ഹൈക്കോടതി ചീഫ് ജസ്റ്റിസുമാരുമടങ്ങിയ കൊളീജിയമാണ് ശുപാര്ശ ചെയ്യുന്നത്. അടുത്തിടെ കൊളീജിയം ശുപാര്ശ ചെയ്ത നാലുപേരുടെ കഴിവിന്റെ കാര്യത്തില് ഐബി സംശയം പ്രകടിപ്പിച്ച് കുറിപ്പ് നല്കിയിരുന്നു.
ഇതിനുള്ള മറുപടിയിലാണ് കാര്യങ്ങള് തങ്ങള് നോക്കിക്കൊള്ളാമെന്ന് കൊൡജീയം പറഞ്ഞത്.ചീഫ് ജസ്റ്റീസ് ദീപക് മിശ്ര, ജസ്റ്റിസുമാരായ ചെലമേശ്വര്, രഞ്ജന് ഗൊഗോയി തുടങ്ങിയവര് ഉള്പ്പെട്ട കൊളീജിയമാണ് ഝാര്ഖണ്ഡ്, ത്രിപുര ഹൈക്കോടതി ജഡ്ജിമാരായി നിയമിക്കാന് നാലുപേരെ ശുപാര്ശ ചെയ്തത്.
ഇവരുടെ കഴിവും സത്യസന്ധതയും സമൂഹത്തിലുള്ള നിലയും വിലയും വിലയിരുത്തി ഐബി റിപ്പോര്ട്ടും നല്കി. ജോലിയിലുള്ള കഴിവ് വിലയിരുത്താന് ജഡ്ജിമാര്ക്കേ സാധിക്കൂ. കൊളീജിയം തുടര്ന്നു.
