ശീകാര്യം: വര്ഷങ്ങളായി തകര്ന്ന് കിടക്കുന്ന പൗഡിക്കോണം-പാണന്വിള റോഡ് ഗതാഗതയോഗ്യമാക്കണമെന്നാവശ്യപ്പെട്ട് പൗഡിക്കോണം വാര്ഡ് കൗണ്സിലര് നാരായണമംഗലം രാജേന്ദ്രന്റെ നേതൃത്വത്തില് നടത്തിയ ഉപവാസസമരം ബിജെപി കഴക്കൂട്ടം മണ്ഡലം പ്രസിഡന്റ് സജിത്ത് ഉദ്ഘാടനം ചെയ്തു. പൗഡിക്കോണം ഏര്യാപ്രസിഡന്റ് മണികണ്ഠന്റെ അദ്ധ്യക്ഷതയില് നടന്ന സമരത്തില് കൗണ്സിലര് പ്രദീപ്കുമാര്, കഴക്കൂട്ടം ഏര്യാ ജനറല്സെക്രട്ടറി സജി, മണ്ഡലം ജനറല് സെക്രട്ടറി പ്രമോദ്, ജില്ലാ ജനറല് സെക്രട്ടറി കേരളാദിത്യപുരം ശ്രീകുമാര് എന്നിവര് സംസാരിച്ചു.
രാവിലെ 8 ന് കൗണ്സിലര് നാരായണമംഗലം രാജേന്ദ്രന്റെ നേതൃത്വത്തില് നിരവധി പ്രദേശവാസികളും നാട്ടുകാരും ചേര്ന്ന് പ്രകടനമായി പൗഡിക്കോണം ജംഗ്ഷനില് എത്തി ഉപവാസ സമരം തുടങ്ങുകയായിരുന്നു. പ്രദേശവാസികളായ നൂറ് കണക്കിന് യാത്രക്കാരുടെ ഏക ഗതാഗത മാര്ഗമായ പൗഡിക്കോണം-പാണന്വിള റോഡ് തകര്ന്നിട്ട് വര്ഷങ്ങളായി. റോഡ് സഞ്ചാരയോഗ്യമാക്കാന് സ്ഥലം എംഎല്എയ്ക്ക് നിവേദനം നല്കിയെങ്കിലും തുക അനുവദിച്ചുവെന്ന ഫ്ളക്സ് ബോര്ഡുകള് സ്ഥാപിക്കുക മാത്രമാണുണ്ടായത്. ബോര്ഡുകള് സ്ഥാപിച്ചിട്ട് മാസങ്ങള് കഴിഞ്ഞിട്ടും പരിഹാരമുണ്ടായില്ലെന്ന് നാട്ടുകാര് ആരോപിക്കുന്നു. തകര്ന്ന് കിടക്കുന്ന റോഡ് ഉടന് ഗതാഗത യോഗ്യമാക്കിയില്ലെങ്കില് കൂടുതല് സമരപരിപാടികളുമായി മുന്നോട്ടു പോകുമെന്ന
