മണിമല: കെഎസ്ആര്ടിസി റാന്നി ഡിപ്പോയില്നിന്ന് മണിമല വഴി കോട്ടയത്തേക്ക് ചെയിന് സര്വീസ് ആരംഭിക്കാന് ബസുകള് എത്തിയെങ്കിലും സര്വീസ് ആരംഭിക്കാന് നടപടിയായില്ല.
ഡിപ്പോയില് ഒന്പത് ബസുകള് എത്തിയിട്ട് ആഴ്ചകളായി. റാന്നിയില് നിന്ന് മണിമല കറുകച്ചാല് മാന്തുരുത്തി പാമ്പാടി വഴി കോട്ടയത്തേക്കും റാന്നി മണിമല കൊടുങ്ങൂര് വഴി കോട്ടയത്തേക്കും ചെയിന് സര്വീസ് ആരംഭിക്കാന് അംഗീകാരവും ഷെഡ്യൂളുകളും പൂര്ത്തിയായിരുന്നു.
മണ്ഡലകാലമാരംഭിക്കുന്നതിനു മുമ്പായി സര്വീസുകള് ആരംഭിച്ചാല് കോട്ടയം ഡിപ്പോയില് നിന്നുള്ള അയ്യപ്പതീര്ഥാടകര്ക്കും പ്രദേശവാസികള്ക്കും ഏറെ പ്രയോജനം ചെയ്യും. മണ്ഡലകാലം തുടങ്ങാന് ഏതാനും ദിവസങ്ങള്മാത്രം ശേഷിച്ചിരിക്കെ ജീവനക്കാരുടെ കുറവാണ് സര്വീസ് ആരംഭിക്കാന് താമസമെന്ന് കെഎസ്ആര്ടിസി അധികൃതര് അറിയിച്ചു.
