പാനൂര്: പ്രധാനമന്ത്രി ഭവന വായ്പാ പദ്ധതി അട്ടിമറിക്കാന് ശ്രമിക്കുന്ന പാനൂര് എസ്ബിഐയിലേക്ക് നഗരസഭ കൗണ്സിലര്മാരുടെ നേതൃത്വത്തില് മാര്ച്ചും ധര്ണ്ണയും നടത്തി. ഭവന വായ്പ്പക്ക് അപേക്ഷിച്ചവരെ മാസങ്ങളായി ഇല്ലാത്ത നിയമവശങ്ങള് പറഞ്ഞ് തിരിച്ചയക്കുകയാണ് മാനേജര്. ഇതിനെ ചോദ്യം ചെയ്ത് അപേക്ഷകരെത്തിയാല് മണിക്കൂറുകളോളം നിര്ത്തുകയാണ് പതിവ്. പിഎംഎവൈ സ്കീമിമില്ലാത്ത നിയമവശങ്ങള് ചൂണ്ടിക്കാട്ടി പദ്ധതി അട്ടിമറിക്കാനാണ് ബാങ്ക് അധികൃതരുടെ നീക്കം. നിരവധി തവണ നഗരസഭ ചെയര്പേഴ്സണ് ബാങ്ക് മാനേജരുമായി ബന്ധപ്പെട്ടിട്ടും ഫലമുണ്ടായില്ല. ഇതിനെ തുടര്ന്നാണ് ഭരണ-പ്രതിപക്ഷഭേദമില്ലാതെ മുഴുവന് ജനപ്രതിനിധികളും ഇന്നലെ സമരവുമായി രംഗത്തെത്തിയത്. നഗരം ചുറ്റി നടന്ന പ്രകടനത്തിന് ശേഷം ബേങ്കിനു മുന്നില് ധര്ണ്ണ നടന്നു. ചെയര്പേഴ്സണ് കെ.വി.റംല ടീച്ചര് ഉദ്ഘാടനം ചെയ്തു. വൈസ് ചെയര്മാന് എം,കെ.പത്മനാഭന് മാസ്റ്റര് അദ്ധ്യക്ഷത വഹിച്ചു. ചാലില് മനോജ്, കെ.കെ.സുധീര്കുമാര്, ടി.പി.പ്രീത, ഇ.എ.നാസര് എന്നിവര് സംസാരിച്ചു. ആവശ്യങ്ങള് അംഗീകരിച്ചില്ലെങ്കില് ശക്തമായ ജനകീയ സമരത്തിനു തയ്യാറാവുമെന്ന് ചെയര്പേഴ്സണ് കെ.വി.റംല ടീച്ചര് അറിയിച്ചു.
മാര്ച്ചും ധര്ണയും നടത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.