മുംബൈ: മുംബൈ എല്‍ഫിന്‍സ്റ്റണ്‍ ലോക്കല്‍ സ്റ്റേഷനില്‍ തിരക്കിനിടയില്‍ പെട്ട് 23 പേര് മരിക്കാനിടയായ സംഭവത്തില്‍ റെയില്‍വേ ഉദ്യോഗസ്ഥര്‍ക്കു അന്വേഷണസംഘം ക്ലീന്‍ചിറ്റ് നല്‍കി . മഴയെ തുടര്‍ന്നാണ് അപകടമുണ്ടായതെന്നും അതുകൊണ്ടുതന്നെ സംഭവത്തിന്റെ ഉത്തരവാദിത്തം ആര്‍ക്കും നല്‍കാന്‍ സാധിക്കില്ലെന്നും ചീഫ് പബ്ലിക് റിലേഷന്‍ ഓഫീസര്‍ രവീന്ദര്‍ ഭേക്കര്‍ പറഞ്ഞു.
ചൊവ്വാഴ്ച വെസ്റ്റേണ്‍ റെയില്‍വേ മാനേജര്‍ക്കാണ് അന്വേഷണ സംഘം റിപ്പോര്‍ട്ട് സമര്‍പ്പിച്ചത്. ബുക്കിംഗ് കൗണ്ടറുകള്‍ മാറ്റി സ്ഥാപിക്കുന്നത് സംബന്ധിച്ച നിര്‍ദേശങ്ങളും അന്വേഷണസംഘം മുന്നോട്ടുവച്ചു. മുതിര്‍ന്ന റെയില്‍വേ ഉദ്യോഗസ്ഥരും ചീഫ് സുരക്ഷാ ഓഫീസറും അടങ്ങിയ സംഘമാണ് സംഭവത്തില്‍ അന്വേഷണം നടത്തിയത്. സെപ്റ്റംബര്‍ 29ന് രാവിലെയായിരുന്നു എല്‍ഫിന്‍സ്റ്റണ്‍ ലോക്കല്‍ സ്റ്റേഷനില്‍ അപകടമുണ്ടായത്.
