ഒറ്റപ്പാലം:ലക്കിടി പാമ്പാടി പാമ്പുംകാവിലെ കന്നിമാസ ആയില്യപൂജ 13,14,15,16 തീയതികളിലായി വിവിധ പരിപാടികളോടെ നടക്കും.
13ന് പുലര്ച്ചെ അഞ്ചിനു നിര്മാല്യദര്ശനം,ആറിനു കുന്നത്തുമന സുബ്രഹ്മണ്യന് നമ്പൂതിരിയുടെ കാര്മികത്വത്തില് അഷ്ടദ്രവ്യഗണപതിഹോമം,നിറപറ സമര്പ്പണം,വിശേഷാല്പൂജകള്, അഷ്ടപദി, വെള്ളരിയിടല്, നൂറുപാലൂട്ടല്,വൈകിട്ട് അഞ്ചിനു സഹസ്രനാമജപം 14ന്ആയില്യപന്തലില് ക്ഷേത്രം തന്ത്രി പനാവൂര് നാരായണന് നമ്പൂതിരിയുടെ കാര്മികത്വത്തില് വിശേഷാല്പൂജ,ഒന്പതിനു പരക്കാട് തങ്കപ്പന് മാരാരുടെ പ്രമാണത്തില്പഞ്ചവാദ്യം,ആയില്യപൂജ, വിശേഷാല് പൂജകള് നടക്കും.
വൈകിട്ട് നാലരക്ക് പാലക്കൊള്ളില്ലം പ്രവീണ് നമ്പൂതിരിയുടെ നേതൃത്വത്തില് സര്വൈശ്വര്യവിളക്കു പൂജ, അഷ്ടപദി, സര്പ്പപ്പാട്ട്, 15ന് മകം നാളില് അകത്തേ കുന്നത്തു മന കൃഷ്ണന് നമ്പൂതിരിയുടെ കാര്മികത്വത്തില് അഷ്ടദ്രവ്യഗണപതിഹോമം, വൈകിട്ട് നാലിനു പാതിരികുന്നത്തു മന കൃഷ്ണകുമാര് നമ്പൂതിരിയുടെ കാര്മികത്വത്തില് സര്പ്പബലി മഹായജ്ഞം,പായസഹോമം, 16ന് രാത്രി എട്ടിനു കളമെഴുത്തും സര്പ്പപാട്ടും നടക്കും.
