കണ്ണൂര്: ഇന്ഫര്മേഷന് പബ്ലിക് റിലേഷന്സ് വകുപ്പിന്റെ ആഭിമുഖ്യത്തില് ഗാന്ധി ജയന്തി വാരാഘോഷത്തിന്റെ ഭാഗമായി മാലിന്യത്തില് നിന്ന് സ്വാതന്ത്ര്യം-എന്ന പേരില് സംഘടിപ്പിക്കുന്ന സംസ്ഥാനതല എക്സിബിഷന് ഇന്ന് കണ്ണൂര് കലക്ടറേറ്റില് തുടങ്ങും.
രാവിലെ 10 മണിക്ക് കലക്ടറേറ്റ് ഓഡിറ്റോറിയത്തില് മന്ത്രി രാമചന്ദ്രന് കടന്നപ്പള്ളി ഉദ്ഘാടനം ചെയ്യും. സംസ്ഥാനത്ത് മാലിന്യസംസ്ക്കരണ സംവിധാനങ്ങള് മികച്ച രീതിയില് നടത്തിവരുന്ന തെരഞ്ഞെടുക്കപ്പെട്ട തദ്ദേശസ്ഥാപനങ്ങളെ പങ്കെടുപ്പിച്ച് അനുഭവങ്ങള് പങ്കുവെക്കുന്ന ഓപ്പണ് ഫോറം പി.കെശ്രീമതി എംപിയും സ്വാപ് മേള മേയര് ഇ.പി.ലതയും ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് കെ.വി.സുമേഷ് അധ്യക്ഷത വഹിക്കും.
ജില്ലയിലെ മാലിന്യസംസ്ക്കരണ പ്രവര്ത്തനങ്ങള്ക്ക് ഊര്ജം പകരുകയെന്ന ലക്ഷ്യത്തോടെ സംഘടിപ്പിക്കുന്ന എക്സിബിഷനില് ശുചിത്വമിഷന്, റെയ്ഡ്കോ, ക്ലീന് കേരള കമ്പനി തുടങ്ങിയ വിവിധ ഏജന്സികളുടെ വര്ക്കിങ്ങ് മോഡലുകള് പ്രദര്ശിപ്പിക്കും. പ്ലാസ്റ്റിക് ഷ്രെഡിംഗ് യൂനിറ്റ് പ്രദര്ശനത്തിന്റെ ഭാഗമായി പ്രവര്ത്തിപ്പിക്കും.
ജില്ലയിലെ തദ്ദേശ സ്ഥാപന അധ്യക്ഷന്മാര്, അംഗങ്ങള്, വാര്ഡ്തല ശുചിത്വ സമിതി ഭാരവാഹികള് തുടങ്ങിയവര് പരിപാടിയില് പങ്കെടുക്കും. പൊതുജനങ്ങള്ക്കും സന്നദ്ധ പ്രവര്ത്തകര്ക്കും പ്രദര്ശനം കാണുന്നതിനും ഓപ്പണ് ഫോറത്തില് പങ്കെടുക്കുന്നതിനും അവസരമുണ്ടായിരിക്കും. പ്രദര്ശനം നാളെ സമാപിക്കും.
ഗാന്ധി ജയന്തി വാരാഘോഷത്തിന്റെ ഭാഗമായി ജില്ലാ ഇന്ഫര്മേഷന് ഓഫീസ് മതനിരപേക്ഷത, ജനാധിപത്യം, എന്നീ വിഷയങ്ങളെ അടിസ്ഥാനമാക്കി സംഘടിപ്പിക്കുന്ന ഡിബേറ്റ് മല്സരം ഒക്ടോബര് 10ന് ഉച്ച 2 മണിക്ക് കണ്ണൂര് കൃഷ്ണമേനോന് സ്മാരക വനിതാ കോളേജില് കെ.കെ.രാഗേഷ് എംപി ഉദ്ഘാടനം ചെയ്യും.
