കണ്ണൂര്: ശിവഗിരി മഹാസമാധി ഗുരുദേവ പ്രതിഷ്ഠ കനകജൂബിലി ആഘോഷത്തിന്റെ ഭാഗമായുള്ള ജില്ലാ ദാര്ശനിക സമ്മേളനം നാളെ കണ്ണൂരില് നടക്കും. ടൗണ്സ്ക്വയറില് വൈകിട്ട് 3ന് നടക്കുന്ന സമ്മേളനം ശ്രീനാരായണ ധര്മ്മ സംഘം ട്രസ്റ്റ് പ്രസിഡന്റ് വിശുദ്ധാനന്ദ സ്വാമി ഉദ്ഘാടനം ചെയ്യുമെന്ന് ഉത്തരമേഖലാ ആഘോഷകമ്മിറ്റി ചെയര്മാന് എസ്എന്ഡിപി യോഗം ദേവസ്വം സെക്രട്ടറി അരയാക്കണ്ടി സന്തോഷും ജില്ലാകമ്മറ്റി ചെയര്മാന് വി.പി. ദാസനും വാര്ത്താസമ്മേളനത്തില് അറിയിച്ചു.
രാവിലെ 9ന് കണ്ണൂര് സുന്ദരേശ്വര ക്ഷേത്രത്തിലെ ചൈതന്യ സ്വാമി ഹാളില് പ്രാര്ഥനായോഗവും പഠനകഌസും നടക്കും. ഗുരുദേവ കൃതികളുടെ പാരായണം വിശുദ്ധാനന്ദ സ്വാമി ഉദ്ഘാടനം ചെയ്യും. രാവിലെ 10ന് സ്വാമി സച്ചിദാനന്ദ, സ്വാമി ബ്രഹ്മസ്വരൂപാനന്ദ എന്നിവര് വിവിധ വിഷയങ്ങളെ അധികരിച്ച് കഌസെടുക്കും.
വൈകിട്ട് നടക്കുന്ന കനകജൂബിലി സമ്മേളനത്തില് എസ്എന്ഡിപി യോഗം പ്രസിഡന്റ് ഡോ.എം.എന്.സോമന് അദ്ധ്യക്ഷത വഹിക്കും. സച്ചിദാനന്ദ സ്വാമികള് കനക ജൂബിലി സന്ദേശം നടത്തും.
ദേവസ്വം സെക്രട്ടറി അരയാക്കണ്ടി സന്തോഷ്, ശ്രീജ്ഞാനോദയ യോഗം പ്രസിഡന്റ് കണ്ട്യന് ഗോപി, ഭക്തിസംവര്ധിനി യോഗം പ്രസിഡന്റ് കെ.പി.ബാലകൃഷ്ണന്, ഗുരുധര്മ്മ പ്രചരണസഭ പ്രസിഡന്റ് മോഹനന് പൊന്നമ്പത്ത്, ഗുരുധര്മ്മ പ്രചരണസഭ വനിതാവേദി പ്രസിഡന്റ് സോഫി വാസുദേവന്, യോഗം വനിതാ സംഘം കോഡിനേറ്റര് ശാന്ത സുരേന്ദ്രന് എന്നിവര് പ്രസംഗിക്കും. എസ് എന്ഡിപി നേതാക്കളായ കെ.കെ.ധനേന്ദ്രന്, പി.സി.രഘുറാം, സി.ഗോപാലന്, കെ.ശശിധരന്, കെ.ശശീന്ദ്രന്, കെ.ടി.ശ്രീധരന്, പാട്യം സത്യന്, കെ.വി.അജി, പി.എന്.ബാബു, ശ്രീധരന് കാരാട്ട്, പി.പി.ജയകുമാര്, പി.ആര്.ഭരതന്, എം.കെ.വിനോദ്, എം.ബാലന്, സി.വി.രാഘവന് എന്നിവര് ചടങ്ങില് സംബന്ധിക്കും.
വാര്ത്താസമ്മേളനത്തില് ജനറല് കണ്വീനര് കെ.പി.പവിത്രന്, ജില്ലാ കോ ഓഡിനേറ്റര് മോഹനന് പൊന്നമ്പേത്ത്, എസ്എന്ഡിപി യൂണിയന് സെക്രട്ടറി പി.പി.ജയകുമാര് എന്നിവരും സംബന്ധിച്ചു.
