വടകര: നഗരത്തില്‍ ഭ്രാന്തന്‍ നായയുടെ പരാക്രമത്തില്‍ അമ്പതോളം പേര്‍ക്ക് കടിയേറ്റു. ഇന്നലെ രാവിലെയോടെയാണ് സംഭവം. വടകര, ചോറോട്, മടപ്പള്ളി, ചോമ്പാല എന്നിവിടങ്ങളിലാണ്
വ്യാപകമായ രീതിയില്‍ ഭ്രാന്തന്‍ നായ പരാക്രമം നടത്തിയത്. വില്യാപ്പള്ളി പഞ്ചായത്തിലെ മയ്യന്നൂരിലും പരിസര പ്രദേശത്തും കാണുന്നവരെയെല്ലാം കടിച്ച് പട്ടി വടകര ടൗണിലെത്തുകയായിരുന്നു. വടകരയില്‍ നിന്നും റെയില്‍വേ സ്‌റ്റേഷന്‍ പരിസത്തു കൂടി താഴെഅങ്ങാടി ഐസ് റോഡ്പരിസരത്ത് നിന്ന് നിരവധി പേരെ കടിച്ചു. ഇതിന് ശേഷം മുകച്ചേരി ഭാഗത്തും ആവിക്കലും ആളുകളെ അക്രമിക്കുകയുണ്ടായി. ഇവിടെ നിന്നും കുരിയാടി ഭാഗത്തേക്ക് ഓടിയ നായ റോഡരികില്‍ നില്‍ക്കുന്നവരെയും കടിച്ചു.
ചോറോടും നിരവധി പേര്‍ക്ക് പട്ടിയുടെ കടിയേറ്റു. ഇതിന് ശേഷം മടപ്പള്ളി ഭാഗത്തെത്തി അവിടെയും നിരവധി പേരെ കടിക്കുകയുണ്ടായി. പരിക്കേറ്റവരെ വടകര ഗവണ്‍മെന്റ് ആസ്പത്രി, മാഹി ഗവ.ആശുപത്രി എന്നിവിടങ്ങളില്‍ പ്രാഥമിക ചികിത്സ നല്‍കിയ ശേഷം കോഴിക്കോട് മെഡിക്കല്‍ കോളേജിലേക്ക് കൊണ്ടു പോയി. കൊച്ചു കുട്ടികള്‍ മുതല്‍ പ്രായമായവര്‍ വരെ പട്ടിയുടെ കടിയേറ്റവരില്‍ ഉള്‍പ്പെടും. കൈക്കുംകാലിനുമാണ്, തലക്കുമാണ് ഭൂരി ഭാഗം പേര്‍ക്കും കടിയേറ്റത്. നിസാര പരിക്കേറ്റവര്‍ പ്രാഥമിക ചികിത്സക്ക് ശേഷം പറഞ്ഞു വിട്ടതായും ആശുപത്രി അധികൃതര്‍ പറഞ്ഞു.
പരിക്കേറ്റ് ചികിത്സ തേടിയവര്‍. മയ്യന്നൂര്‍ കാപ്പിലക്കണ്ടി മുഹമ്മദ്ആദില്‍(11), കുരിക്കിലാട് കേളോത്ത് അരവിന്ദാക്ഷന്‍(55), വൈക്കിലശ്ശേരികിഴക്കെ മഠത്തില്‍ ചന്ദ്രി(55), അറക്കിലാട് റോഡ് പുന്ന(42),വൈക്കിലേശ്ശേരി മാവിലാട്ട് ദര്‍ശന(20), തറോപ്പൊയില്‍ വളാഞ്ചേരി വീട്ടില്‍
കുഞ്ഞിരാമന്‍(55), പുതുപ്പണം തയ്യില്‍ മഹമൂദ്(72), വടകര ബീച്ച്പള്ളിന്റവിട അഭിനവ്(12), വടകരയില്‍ ജോലിക്കെത്തിയ യുപി സ്വദേശി രാജ(20),വടകര ബീച്ച് റോഡ് പി.കെ ഹൗസ് നൗഷാദ്(50), കുരിയാടി പുതിയപുരയില്‍ശങ്കരന്‍(60), വടകര നിട്ടുര്‍വളപ്പില്‍ നൂറ(19), കുരിയാടി കോളനിചന്ദ്രന്‍(60), ചോറോട് കൈതവളപ്പില്‍ പ്രകാശന്‍(32), ചോറോട് കിണറ്റിന്‍കര ആരവ്(4), ചോറോട് നമ്പോലന്റവിട വേദിക(3), മൂന്നാംമൈല്‍ ഇന്ദീവരത്തില്‍നിരൂപ(24), ചെമ്മരത്തൂര്‍ തായാട്ട് കമല(47), വടകര ബീച്ച് നാലുപുരയില്‍നൂറ(11), ചോറോട് മുട്ടുങ്ങല്‍ വൈഗ(24), കുരിയാടി വരയന്റെ വളപ്പില്‍ശബരീനാഥ്(6), കുരിയാടി വരയന്റെ വളപ്പില്‍ ജ്യോതിഷ്(35), ചോറോട് താഴെപെരിങ്ങന്റവിട രാധ(72), രയരങ്ങോത്ത് ചെറിയ ചെട്ട്യാന്റവിട ഷാഹിദ(34),മുട്ടുങ്ങല്‍ ചുട്ടന്റവിട റസിയ(35), നാദാപുരം റോഡ് രയരങ്ങോത്ത്കുന്നുമ്മല്‍ ലീല(70), നാദാപുരം റോഡ് രാജേന്ദ്രന്‍(55), നാദാപുരം റോഡ്കരിയാട്ടുമീത്തല്‍ ഋഷികുമാര്‍(45), മടപ്പള്ളി കോളേജ് മണലില്‍ ഗംഗാധരന്‍(80),ചോമ്പാല്‍ മുണ്ടയാട്ട് ശ്രീധരന്‍(45) എന്നിവര്‍ക്കാണ് പരിക്കേറ്റത്.
