പയ്യന്നൂര്: ജനരക്ഷായാത്രയില് പങ്കെടുക്കുന്ന പ്രവര്ത്തകര്ക്ക് ഭക്ഷണം വിളമ്പി ഭക്ഷ്യസേനയും ശുചീകരണ ദൗത്യവുമായി സ്വച്ഛ് ഭാരത് സേനയും യാത്രയിലുടനീളം സക്രിയം. പയ്യന്നൂരിലെ ഉദ്ഘാടന സദസില് ഒരു ലക്ഷത്തോളം കുടിവെള്ള പാക്കറ്റുകളാണ് ഭക്ഷ്യ സേനാംഗങ്ങള് വിതരണം ചെയ്തത്. തൊട്ടടുത്ത ശ്രീപ്രഭ ഓഡിറ്റോറിയത്തില് 15,000 ത്തില്പ്പരം വെജിറ്റബിള് ബിരിയാണി 300 വളണ്ടിയര്മാര് ചേര്ന്ന് വിതരണം ചെയ്തു. ആര്എസ്എസ് ജില്ലാ കാര്യവാഹ് പി.രാജേഷ് കുമാറിന്റെ നേതൃത്വത്തിലുള്ള അമ്പതംഗ സംഘമാണ് ഉച്ചഭക്ഷണം തയ്യാറാക്കിയത്. യാത്രയില് അണിനിരന്ന പ്രവര്ത്തകര്ക്കും നേതാക്കള്ക്കും ഏഴിലോട് ചായയും ബെന്നുമായിരുന്നു സായാഹ്ന ഭക്ഷണം. യാത്രയില് പങ്കെടുത്ത് മടങ്ങുന്ന പതിനായിരത്തില്പരം പേര്ക്ക് ചപ്പാത്തിയും കറിയും പാഴ്സലായി നല്കി. മേഖലാ സെക്രട്ടറി എ.പി.ഗംഗാധരന്റെ നേതൃത്വത്തിലാണ് ജില്ലയിലെ നാലു പദയാത്രാ കേന്ദ്രങ്ങളിലും ഭക്ഷണ സേന പ്രവര്ത്തിക്കുന്നത്.
ശുചീകരണ ചുമതലയുള്ള സ്വച്ഛ് ഭാരത് സേനയില് 300 പേരാണ് സേവന വ്യാപൃതരായി ഉള്ളത്. കുടിവെള്ള പായ്ക്കറ്റുകള്, ഉച്ചഭക്ഷണ മാലിന്യം തുടങ്ങി ജാഥയിലുടനീളമുള്ള മാലിന്യങ്ങള് ഇവര് അപ്പപ്പോള് ശേഖരിക്കുകയായിരുന്നു. പച്ച യൂനിഫോമിലാണ് ശുചിത്വ സേന രംഗത്തിറങ്ങിയത്. ചൊവ്വാഴ്ച രാവിലെ കീച്ചേരിയില് ഉപ്പുമാവുംചിറക്കലില് ഉച്ചഭക്ഷണവും വൈകീട്ട് കണ്ണൂരില് ചായയും ഒരുക്കുന്നുണ്ട്.
