കൊച്ചി: മെട്രോ സ്റ്റേഷനുകളില് ഫീഡര് വാന് സര്വീസ് തുടങ്ങി. ആലുവ, കളമശ്ശേരി, ഇടപ്പള്ളി, പാലാരിവട്ടം എന്നീ സ്റ്റേഷനുകളില് നിന്നാണ് ഫീഡര് സര്വീസ്. രാവിലെ 7.30 മുതല് 10.30വരെയും വൈകിട്ട് 4.30 മുതല് രാത്രി എട്ടുവരെയുമാണ് ഫീഡര് വാന് സര്വീസ്. വാന് സഞ്ചരിക്കുന്ന റൂട്ടുകളും പാസും സ്റ്റേഷനുകളില് നിന്ന് ലഭിക്കും. കൊച്ചി വണ് സ്മാര്ട്ട് കാര്ഡ് ഫീഡര് സര്വീസിനും ഉപയോഗിക്കാം.
ആലുവ മുതല് മഹാരാജാസ് കോളേജ് വരെയുള്ള 16 സ്റ്റേഷനുകളില് നിന്നും ഫീഡര് സര്വീസ് ആരംഭിക്കും. മെട്രോ രണ്ടാംഘട്ടത്തിന്റെ ഉദ്ഘാടന ശേഷമായിരിക്കും ഇത്. നിലവില് 11 സ്റ്റേഷനുകളിലായി 13 വാന് റൂട്ടുകളും 54 ഓട്ടോ റൂട്ടുകളുമുണ്ടാകും.
