തളിപ്പറമ്പ്: എന്റെ സമരം വരും തലമുറക്ക് വേണ്ടിയാണ്. എല്ലാവര്ക്കും ശുദ്ധജലവും ശുദ്ധവായുവും ലഭിക്കണം. ഞങ്ങള് വികസനത്തിനെതിരല്ല. കീഴാറ്റൂരില് നിരാഹാര സമരമനുഷ്ഠിക്കുന്ന നമ്പ്രാടത്ത് ജാനകിയുടെ വാക്കുകളാണിത്. പതിമൂന്ന് ദിവസം തുടര്ച്ചായായി നിരാഹാര സമരമനുഷ്ഠിച്ച സുരേഷ് കീഴാറ്റൂരിനെ കഴിഞ്ഞദിവസം പോലീസ് അറസ്റ്റ് ചെയ്തതിനെ തുടര്ന്നാണ് എഴുപത് വയസ്സ് പിന്നിട്ട ജാനകി സമരമാരംഭിച്ചത്. വാര്ദ്ധക്യത്തിലും ചോരാത്ത സമരവീര്യവുമായി നിരാഹാരമനുഷ്ഠിക്കുന്ന ജാനകി യുവതലമുറയ്ക്ക് പോലും പ്രചോദനമാണ്. ഞാന് ആദ്യമായാണ് ഇത്തരമൊരു സമരരഗത്തിറങ്ങിയതെന്നു പറഞ്ഞാണ് ജാനകി സംസാരിച്ച് തുടങ്ങിയത്. ഈ നെല്വയല് ജീവന് കൊടുത്തും സംരക്ഷിക്കണം. കാരണം ആയിരങ്ങള്ക്ക് വെള്ളവും ഭക്ഷണവും നല്കുന്നത് ആ നെല്വയലാണ്. ഈ സമരം ആര്ക്കുമെതിരല്ല. തലമുറയായി കൈമാറിയ ജീവിതം കൈവിടില്ലെന്നും അവര് പറഞ്ഞു. അതിജീവനത്തിനു വേണ്ടിയുള്ള സമരത്തിന് ജീവന് നല്കേണ്ടി വന്നാല് അതിനും തയ്യാറാണന്ന് അവര് പറഞ്ഞു. സമരത്തെക്കുറിച്ച് ആശങ്കയുണ്ടോയെന്ന ചോദ്യത്തിന് വിജയം സുനിശ്ചിതമെന്നായിരുന്നു എഴുപതിന്റെ ചുറുചുറുക്കില് ജാനകിയുടെ മറുപടി.
എഴുപതിലും തളരാത്ത പോരാട്ട വീര്യവുമായി ജാനകി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.