പേരൂര്ക്കട: ജില്ലാ മാതൃകാശുപത്രിയിലെ ക്യാന്റീന് മുന്നറിയിപ്പില്ലാതെ പൂട്ടിയതിനെത്തുടര്ന്ന് രോഗികളും കൂട്ടിരിപ്പുകാരും വലഞ്ഞു. ആശുപത്രി അധികൃതരുടെ കര്ശനമായ നിര്ദേശത്തെ തുടര്ന്നാണ് ക്യാന്റീല് പൂട്ടിയത്. എന്നാല് പകരം സംവിധാനമേര്പ്പെടുത്താതെ ക്യാന്റീന് പൂട്ടിയത് പ്രതിഷേധത്തിനിടയാക്കിയിരിക്കുകയാണ്.ക്യാന്റീനിന്റെ ലേലനടപടി ഈയിടെ പൂര്ത്തിയായിരുന്നു. പുതിയ ആള്ക്കാണ് ക്യാന്റീന് നടത്താനുള്ള അവകാശം ലഭിച്ചത്. എന്നാല് ഇത് സംബന്ധിച്ച നടപടിക്രമങ്ങള് നടക്കുന്നതേയുള്ളു. ഇതിനിടെയാണ് നിലവിലെ ക്യാന്റീനിന്റെ പ്രവര്ത്തനം അവസാനിപ്പിച്ചിരിക്കുന്നത്. രാത്രികാലങ്ങളില് ഉള്പ്പെടെ രോഗികള്ക്കും കൂട്ടിരിപ്പുകാര്ക്കും ആശ്വാസമായിരുന്നു ആശുപത്രി വളപ്പിലെ ക്യാന്റീന്. ജനങ്ങളുടെ സൗകര്യാര്ഥം ക്യാന്റീന് വീണ്ടും പ്രവര്ത്തനക്ഷമമാക്കണമെന്നാണ് ആവശ്യം. നിലവില് ക്യാന്റീന് നടത്തുന്ന ആള് സമയപരിധി കഴിഞ്ഞും പ്രവര്ത്തിച്ചതിനാലാണ് മാറ്റിയതെന്ന് ആശുപത്രി അധികൃതര് അറിയിച്ചു. മാലിന്യനിര്മാര്ജന സംവിധാനങ്ങള് സംബന്ധിച്ച് പരാതി ഉണ്ടായി. അതിനാലാണ് പെട്ടെന്ന് തന്നെ ക്യാന്റീന് പ്രവര്ത്തനം അവസാനിപ്പിക്കാന് നിര്ദേശിച്ചത്. പ്രശ്നങ്ങള് പരിഹരിച്ചശേഷം ക്യാന്റീന് പ്രവര്ത്തനം ഉടന് ആരംഭിക്കുമെന്നും നിലവില് അറ്റകുറ്റപ്പണി പുരോഗമിക്കുകയാണെന്നും ആശുപത്രി അധികൃതര് അറിയിച്ചു.
ആശുപത്രി ക്യാന്റീന് പൂട്ടി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.