തലശ്ശേരി: യാത്ര പോകാന് വിസമ്മതിച്ച ഓട്ടോ െ്രെഡവര്ക്കെതിരെ നടപടി സ്വീകരിക്കണമെന്നാവശ്യപ്പെട്ട് യാത്രക്കാരന് തലശ്ശേരി ട്രാഫിക് എസ് ഐക്ക് പരാതി നല്കി. തലശ്ശേരി പുതിയ ബസ് സ്റ്റാന്റിലെ ഓട്ടോ സ്റ്റാന്റില് ക്യൂവിലുണ്ടായിരുന്ന ഗഘ 13 ഒ 5286 നമ്പര് ഓട്ടോ െ്രെഡവര്ക്കെതിരെയാണ് മാധ്യമ പ്രവര്ത്തകനായ പി.എം.അഷ്റഫ് പരാതി നല്കിയത്. ശനിയാഴ്ച ഉച്ചക്ക് ഒരു മണിയോടെയായിരുന്നു പരാതിക്ക് ആധാരമായ സംഭവം.
പഴയ റെയില്വേ സ്റ്റേഷന് റോഡില് പാര്ക്ക് ചെയ്ത ആറോളം ഓട്ടോറിക്ഷകള് പഴയ ബസ് സ്റ്റാന്റിലേക്ക് യാത്ര പോകാന് വിസമ്മതിച്ചതിനെ തുടര്ന്ന് റെയില്വേ മേല്പ്പാലം കയറിയിറങ്ങി പുതിയ ബസ് സ്റ്റാന്റിലെത്തി ക്യൂവിലുണ്ടായിരുന്ന മുന് നിരയിലെ ഓട്ടോ െ്രെഡവറോട് പഴയ ബസ് സ്റ്റാന്റിലേക്ക് പോകണമെന്ന് ആവശ്യപ്പെടുകയായിരുന്നു. എന്നാല് ലോഗന്സ് റോഡിലെ ഇന്റര്ലോക്ക് പണി നടക്കുന്നതിനാല് മൊത്തം ബ്ലോക്കാണെന്നും പോകാനാവില്ലെന്നുമാണ് പറഞ്ഞത്. ഇതേത്തുടര്ന്ന് മറ്റു െ്രെഡവര്മാരും ഇതേ സമീപനം തന്നെ തുടര്ന്നു. ഇതോടെ പരാതിക്കാരന് പുതിയ ബസ് സ്റ്റാന്റില് നിന്നും ടിസി റോഡ്, ഒ വി റോഡ് വഴി കാല്നടയായി പഴയ ബസ് സ്റ്റാന്റ് വരെ എത്തിയെങ്കിലും സാധാരണ കാണാറുള്ള ഗതാഗതക്കുരുക്കുപോലും തല്സമയം കാണാന് കഴിഞ്ഞില്ലെന്നും പരാതിയില് പറയുന്നു. ആകയാല് ഓട്ടോറിക്ഷ െ്രെഡവര്മാര്ക്ക് ഒരു പെരുമാറ്റച്ചട്ടം നല്കണമെന്നും യാത്രക്കാരോട് കാണിക്കുന്ന അപമര്യാദകള്ക്കും പിടിവാശിക്കുമെതിരെ കര്ശന നടപടി സ്വീകരിക്കണമെന്നും അഷ്റഫ് പരാതിയില് ആവശ്യപ്പെട്ടു.
