പാലക്കാട്:വിശ്വകര്മ്മാചാരിറ്റബിള് സൊസൈറ്റിയുടെ ആഭിമുഖ്യത്തില് നടന്ന വിശ്വകര്മ്മാദിനാഘോഷം സാമൂഹ്യസമസ്ത മുന്നണി സംസ്ഥാന ജനറല് സെക്രട്ടറി കുട്ടപ്പന് ചെട്ടിയാര് ഉദ്ഘാടനം ചെയ്തു.
വിദ്യാഭ്യാസപരമായും സാമൂഹ്യപരമായും വിശ്വകര്മ്മജര് സമൂഹത്തില് ഇനിയും ഉയര്ന്നുവരേണ്ടവരാണ്. അര്ഹതപ്പെട്ട അവകാശങ്ങളും ആനുകൂല്യങ്ങളും നേടിയെടുക്കുന്നതിന് വിശ്വകര്മ്മ സംഘടനകള് ഒത്തൊരുമിച്ച് നില്ക്കേണ്ടത് കാലഘട്ടത്തിന്റെ ആവശ്യമാണെന്നും അദ്ദേഹം പറഞ്ഞു. വിശ്വകര്മ്മ ഏകോപന സമിതി സംസ്ഥാന കണ്വീനര് വി.എന്.ദിലീപ്കുമാര് മുഖ്യപ്രഭാഷണം നടത്തി.
വിശ്വകര്മ്മ സമുദായത്തിലെ മുതിര്ന്ന അംഗങ്ങളേയും കലാസാംസ്ക്കാരിക രംഗങ്ങളില് പ്രാഗല്ഭ്യം തെളിയിച്ചവരേയും രാമായണമാസ കലാമത്സര വിജയികളേയും സെ്എസ്എല്സി, പ്ലസ്ടു തുടങ്ങിയ പരീക്ഷകളില് ഉന്നത വിജയം കരസ്ഥമാക്കിയ വിദ്യാര്ഥികളേയും ചടങ്ങില് അനുമോദിച്ചു. വിശ്വകര്മ്മചാരിറ്റബിള് സൊസൈറ്റി പ്രസിഡന്റ് കെ.രാജേന്ദ്രന് അധ്യക്ഷത വഹിച്ചു.
ജനറല് സെക്രട്ടറി ടി.മനോജ്കുമാര്, അഡ്വ.പി.ശശികുമാര്, വാണിജ്യവൈശ്യസംഘം സെക്രട്ടറി എം.രാമകൃഷ്ണ വൈദ്യര്, കര്മ്മരേഖ മാസികയുടെ മാനേജിംഗ് ട്രസ്റ്റി രഞ്ജിത്ത്, ഗോളക ശില്പി രാധാകൃഷ്ണന് ആചാരി, ഗണേഷ് പുനര്ജന്മം, വി.വിനോദ് എന്നിവര് പ്രസംഗിച്ചു.
