ഇരിട്ടി: കനത്ത മഴയെ തുടര്ന്ന് മലയോരത്ത് പുഴകള് നിറഞ്ഞ് കവിഞ്ഞു. മലയോരത്ത് ഉരുള്പൊട്ടല് ഭീതി. ഇരിട്ടി ടൗണില് കടയില് വെള്ളം കയറി. ഇന്നലെ രാവിലെ പത്ത് മണിയോടെ തുടങ്ങിയ മഴയില് മേഖലയിലെ പല താഴ്ന്ന പ്രദേശങ്ങളിലും വെള്ളം കയറി. ഇരിട്ടി-പേരാവൂര് റൂട്ടില് പയഞ്ചേരിയില് റോഡില് ബ്ലോക്ക് ഓഫീസ് പരിസരത്ത് വെള്ളം കയറി പലപ്പോഴായി മണിക്കൂറുകളോളം ഗതാഗതം തടസ്സപെട്ടു. ഇവിടെ ഓവുചാല് മണ്ണ് മൂടിയത് അധികൃതര് മാറ്റാത്തതിനാല് തുടര്ച്ചായ എല്ലാ മഴയിലും വെള്ളം പൊങ്ങി റോഡിലെ ഗതാഗതം തടസപെടുന്നത് പതിവായിരിക്കുകയാണ്യ ഇരിട്ടി പഴയ ബസ് സ്റ്റാന്റ് ഓപണ് ഓഡിറ്റോറിയത്തിനു സമീപത്തുള്ള എം.പി.കാദര്ഹാജിയുടെ ഉടമസ്ഥതയിലുള്ളമ ലഞ്ചരക്ക് വ്യാപാര സ്ഥാപനമായ ഫഌഷ് ട്രേഡേഴ്സില് വെള്ളം കയറി. സമീപത്തെ പറമ്പില് നിന്നും കെട്ടിത്തില് നിന്നുമുള്ള വെള്ളം റോഡിലുടെ കുത്തിയൊലിച്ച് വരുന്നതാണ് വെള്ളം കയറാന് കാരണമായത്. ശക്തമായ മഴപെയ്താല് ഈ ഭാഗത്തെ വ്യാപാര സ്ഥാപനങ്ങളില് വെളളം കയറുന്നത് പതിവാണ്. കടകളോട് ചേര്ന്ന് അഴുക്ക്ചാലുണ്ടെങ്കിലും പലഭാഗത്തും തടസ്സമായത് കാരണം വെള്ളം ഒഴുകിപ്പോകാത്തതാണ് വെള്ളം കടള്ക്കുള്ളില് കയറാന് കാരണം. നിരവധി തവണ വിഷയം നഗരസഭാ അധികൃതരോട് പരാതിപ്പെട്ടിട്ടും നടപടിയുണ്ടായില്ലെന്ന് വ്യാപാരികള് പറയുന്നു. അയ്യന്കുന്ന് , ആറളം, ഉളിക്കല് പഞ്ചായത്തിലാണ് മലപ്രദേശത്ത് മഴ തുടര്ച്ചയായി പെയ്താല് ഉരുള്പൊട്ടല് ഭീതിയുള്ളത്. കഴിഞ്ഞ മാസം ആറളം ഫാമില് ഉരുള്പൊട്ടിയതിനെ തുടര്ന്ന് ഇരിട്ടി പുഴയുള്പ്പെടെ നിറഞ്ഞ് ഒഴുകിയിരുന്നു.
കനത്ത മഴയില് മലയോരത്ത് പുഴകള് നിറഞ്ഞ് കവിഞ്ഞു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.