തലശ്ശേരി: ബിജെപി അഖിലേന്ത്യാ അദ്ധ്യക്ഷന് അമിത് ഷാ ഉള്പെടെയുള്ള ദേശിയ നേതാക്കള് പങ്കെടുക്കുന്ന ജനരക്ഷായാത്രയുടെ പ്രചരണത്തിന്റെ ഭാഗമായി തലശ്ശേരി പഴയ ബസ് സ്റ്റാന്റില് സ്ഥാപിച്ച താല്ക്കാലിക സ്വാഗതസംഘം കമാനങ്ങളും ബോര്ഡുകളും സിപിഎമ്മുകാര് വീണ്ടും നശിപ്പിച്ചു. വെള്ളിയാഴ്ച രാത്രി വൈകി തകര്ക്കപ്പെട്ട പ്രചരണ സാമഗ്രികള് സമീപത്തെ ഓട്ടോറിക്ഷാ സ്റ്റാന്റില് വലിച്ചെറിഞ്ഞ നിലയിലാണുള്ളത്. ഇന്നലെ രാവിലെയാണ് ഇത് ശ്രദ്ധയില് പെട്ടത്. സിപിഎമ്മുകാരാണ് ഇത് നശിപ്പിച്ചതെന്നും ഇത്തരം അസഹിഷ്ണത അംഗീകരിക്കാനാവില്ലെന്നും ബിജെപി നേതാക്കള് പറഞ്ഞു. വെള്ളിയാഴ്ച ഉച്ചയോടെ എസ്എഫ്ഐ വിദ്യാര്ത്ഥികളുടെ പ്രതിഷേധ പ്രകടനം കടന്നുപോവുന്നതിനിടയില് ഇതേ സ്വാഗതസംഘം കമാനം തള്ളിയിട്ടിരുന്നു. പിന്നീടെത്തിയ ബിജെപി പ്രവര്ത്തകര് ഇത് പുന:സ്ഥാപിക്കുകയും ചെയ്തിരുന്നു. ഇതേത്തുടര്ന്ന് ബിജെപി നല്കിയ പരാതിയുടെ അടിസ്ഥാനത്തില് വെള്ളിയാഴ്ച വൈകുന്നേരം സിഐ വിളിച്ചു കുട്ടിയ ഉഭയകക്ഷി സമാധാന യോഗത്തില് സംഭവത്തില് ഉത്കണ്ഠ രേഖപ്പെടുത്തുകയും സംഭവം ആവര്ത്തിക്കില്ലെന്ന് ഉറപ്പ് നല്കുകയും ചെയ്തിരുന്നു. എന്നാല് ഈ ചര്ച്ചക്കും തീരുമാനത്തിനും പുല്ലുവില പോലും നല്കാതെയാണ് വീണ്ടും പ്രചരണ വസ്തുക്കള് നശിപ്പിച്ചത്. തൊട്ടപ്പുറത്തുണ്ടായിരുന്ന സിപിഎം ലോക്കല് സമ്മേളന സ്വാഗതസംഘം കമാനം ഇപ്പോഴും അവിടെ നിലനില്ക്കുന്നുണ്ട്.
ബിജെപിയുടെ ജനരക്ഷാ മാര്ച്ചിന്റെ പ്രചരണങ്ങള് വീണ്ടും തകര്ത്തെറിഞ്ഞു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.