പള്ളിക്കര പഞ്ചായത്ത് കേരളോത്സവം

കാസര്‍കോട്: പള്ളിക്കര ഗ്രാമ പഞ്ചായത്ത് കേരളോത്സവം 15 മുതല്‍ ഒക്‌ടോബര്‍ 8 വരെ പഞ്ചായത്തിന്റെ വിവിധ പ്രദേശങ്ങളില്‍ നടക്കും. സെപ്തംബര്‍ 16-ന് 4-മണിക്കു മുമ്പായി കലാ-കായിക-കാര്‍ഷിക-സാഹിത്യ-ഗെയിംസ് മത്സരങ്ങളില്‍ പങ്കെടുക്കുന്ന വ്യക്തികളും, ക്ലബ്ബുകളും രജിസ്‌ട്രേഷന്‍ നടത്തണം. കലാമത്സരങ്ങള്‍ ഒക്‌ടോബര്‍ 7,8 തീയതികളില്‍ തച്ചങ്ങാട് ഗവ.ഹൈസ്‌കൂളിലും, കായിക മത്സരങ്ങള്‍ ഒക്‌ടോബര്‍ 1ന് ചെര്‍ക്കാപ്പാറ മിനി സ്റ്റേഡിയത്തിലും, ഫുട്‌ബോള്‍ മത്സരം സെപ്തംബര്‍ 24-നും, ക്രിക്കറ്റ് മത്സരം ഒക്‌ടോബര്‍ 2നും ബേക്കല്‍ മിനിസ്റ്റേഡിയത്തിലും, വോളിബോള്‍ മത്സരം ഈ മാസം 28ന് ചരല്‍ക്കടവിലും, ഷട്ടില്‍ മത്സരം 23നും, കബഡി മത്സരം 21ന് കുതിരക്കോടും, ചെസ്സ് 23നും, കാര്‍ഷിക മത്സരം ആലക്കോടും, കമ്പവലി മത്സരം 29ന് ബംഗാടും നടക്കും.