ഞ്ചല്: ഭൂമിക്കായി സമരം ചെയ്ത മുഴുവന് ഭൂരഹിതര്ക്കും ഉടന് ഭൂമി പതിച്ചുനല്കാന് സംസ്ഥാന സര്ക്കാര് തയാറാകണമെന്ന് മഹിളാ ഐക്യവേദി ആവശ്യപ്പെട്ടു. ഓണാഘോഷത്തിന് തയാറെടുക്കുന്ന സര്ക്കാര് ഓണസമ്മാനമായി ഭൂരഹിതര്ക്ക് ഭൂമി പതിച്ചുനല്കുന്നതിനു പകരം നീതിനിഷേധമാണ് കാണിച്ചിരിക്കുന്നതെന്നും നേതാക്കള് പറഞ്ഞു. ഓണാഘോഷത്തിന്റെ ഭാഗമായി അരിപ്പ സമരഭൂമിയില് സന്ദര്ശിച്ച ശേഷം സംസാരിക്കുകയായിരുന്നു നേതാക്കള്.
അഞ്ച് വര്ഷങ്ങളായി ഭൂസമരം നടക്കുന്ന അരിപ്പയിലെ ജനങ്ങള്ക്ക് സര്ക്കാര് ഉടന് ഭൂമി പതിച്ചു നല്കണം.
വാസയോഗ്യമായ ഭൂമിയും കൃഷി അനിയോജ്യമായ ഭൂമിയും നല്കി അവരെ രക്ഷിക്കാന് സര്ക്കാര് തയാറാകണം. മുഴുവന് ഭൂരഹിതര്ക്കും വേണ്ടിയാണ് ഭൂസമരങ്ങള് നടക്കുന്നത്.
ഭൂസമരത്തെ അനുകൂലിക്കാത്തവര്ക്കും പാര്ട്ടി അനുകൂലികള്ക്കും മാത്രം ഭൂമി നല്കുന്നത് നീതി നിഷേധമാണ്. ഭൂസമരങ്ങളിലെ കരാര് അട്ടിമറിക്കപ്പെടാതിരിക്കാന് ഇനിയെങ്കിലും സര്ക്കാര് തയാറാവണമെന്നും നേതാക്കള് ആവശ്യപ്പെട്ടു.
മഹിളാ ഐക്യവേദി സംസ്ഥാന പ്രസിഡന്റ് നിഷാ സോമന്, ജനറല് സെക്രട്ടറി ബിന്ദുരോഹന, വൈസ് പ്രസിഡന്റ് വത്സല, ട്രഷറര് പ്രസന്ന ഉണ്ണികൃഷ്ണന്, ജില്ലാ നേതാക്കളായ രത്ന എസ്.ഉണ്ണിത്താന്, ഹിന്ദു ഐക്യവേദി സംസ്ഥാന ജനറല് സെക്രട്ടറി ഇ.എസ്. ബിജു, സംഘടനാ സെക്രട്ടറി സി.ബാബു, സെക്രട്ടറിമാരായ ശ്രീധരന്, പുത്തൂര് തുളസി, കെ.പ്രഭാകരന്, വി.സുശികുമാര്, ജില്ലാ നേതാക്കളായ വിജയമോഹനന്, മണപ്പാറ സുഭാഷ് എന്നിവര് പങ്കെടുത്തു. പ്രവര്ത്തകരെ സമരഭൂമിയില് ശ്രീരാമന് കൊയ്യോന് സ്വീകരിച്ചു. ഓണസദ്യയില് പങ്കെടുത്ത ശേഷമാണ് ഹിന്ദുഐക്യവേദി-മഹിളാഐക്യവേദി പ്രവര്ത്തകര് മടങ്ങിയ
