കൊച്ചി: നഗരത്തില് അനധികൃതമായി പ്രവര്ത്തിച്ച വിദേശ റിക്രൂട്ടിംഗ് സ്ഥാപനങ്ങളില് പോലീസ് റെയ്ഡ്. 32 ഓളം പാസ്പോര്ട്ടുകളും മറ്റ് രേഖകളും പിടിച്ചെടുത്തു. കൊച്ചി നഗരത്തില് ഓപ്പറേഷന് ബ്ലാക്ക് ഫ്ളൈയുമായി ബന്ധപ്പെട്ടായിരുന്നു ഇന്നലെ റെയ്ഡ് നടത്തിയത്.
കുരിശുപള്ളി റോഡിലെ ആദര്ശ് എന്റര്പ്രൈസസ് ആന്റ് മാന് പവര് സപ്ലൈ, പള്ളിമുക്കിലെ അറേബ്യന് ട്രേഡ് ടൈംസ് എന്നീ സ്ഥാപനങ്ങളിലായിരുന്നു റെയ്ഡ്. അറേബ്യന് ട്രേഡ് ടൈംസില് നിന്നാണ് അനധികൃതമായി സൂക്ഷിച്ച പാസ്പോര്ട്ടുകള് പിടിച്ചത്. അനധികൃതമായി പ്രവര്ത്തിച്ചിരുന്ന സ്ഥാപനങ്ങള് വിദേശ റിക്രൂട്ട്മെന്റ് നടത്തി ജനങ്ങളെ കബളിപ്പിക്കുകയായിരുന്നുവെന്ന് പോലീസ് പറഞ്ഞു.
ക്രൈംബ്രാഞ്ച് അസിസ്റ്റന്റ് കമ്മീഷണര് ബിജി ജോര്ജിന്റെ നേതൃത്വത്തിലായിരുന്നു റെയ്ഡ്. സിറ്റി പോലീസ് കമ്മീഷണര് എം.പി. ദിനേശിന്റെ നിര്ദ്ദേശ പ്രകാരമാണ് നടപടി. വിദേശ ജോലി വാഗ്ദാനം ചെയ്ത് ആളുകളെ കബളിപ്പിക്കുന്ന സ്ഥാപനങ്ങള്ക്കെതിരെ നിയമ നടപടിയെടുക്കുന്നതിന്റെ ഭാഗമായിരുന്നു റെയ്ഡ്.
